51:154  utitur  in  secunda  ad  Corinthios,  primo  et  quinto  capite.  Similitudo  sumpta  est  a  contractibus,  qui  arrha  data  sic  stabiliuntur  ut  non  amplius  locus  sit  poenitentiae.  Ita,  accepto  Dei  spiritu,  promissiones  Dei  ratas  habemus,  nec  timemus  periculum  retractationis.  Non  quia  Dei  promissiones  per  se  infirmae  sint:  sed  quia  nisi  spiritus  testimonio  suffulti,  nunquam  in  illis  secure  acquiescimus.  Est  igitur  spiritus  nobis  arrhabo  haereditatis  nostrae,  hoc  est  vitae  aeternae  in  redemptionem:  hoc  est,  quousque  veniat  dies  plenae  redemptionis.  Quamdiu  enim  sumus  in  mundo,  quia  sub  spe  militamus,  opus  habemus  hac  arrha:  ubi  autem  possessio  ipsa  exhibita  fuerit,  iam  cessabit  necessitas  et  usus  arrhae.  Nam  eousque  valet  arrhae  symbolum,  dum  utrique  satisfactum  fuerit  contractui.  Ideo  infra  cap.  4,  30,  dicet  :  Usque  in  diem  redemptionis.  Loquitur  autem  de  die  iudicii.  Nam  etsi  iam  Christi  sanguine  redempti  sumus,  nondum  tamen  huius  redemptionis  fructus  exstat:  quia  omnis  creatura  adhuc  ingemiscit,  cupiens  a  corruptione  eximi.  Nos  etiam,  qui  primitias  spiritus  accepimus,  ad  eandem  liberationem  votis  ferimur  :  quia  nondum  eam  sumus  adepti,  nisi  spe.  Fruemur  autem  re  ipsa,  quum  Christus  in  iudicium  apparuerit  Hoc  sensu  vocabulum  r  e  d  e  m  p  t  i  o  n  i  s  capit  Paulus  ad  Romanos  cap.  8,  23  et  Dominus  quum  dicit:  Attollite  capita  vestra,  appropinquat  redemptio  vestra.  Ileptiiofyatc,  quam  latine  vertimus,  acquisitam  haereditatem,  non  est  regnum  coelorum  aut  beata  immortalitas,  sed  ipsa  ecclesia.  Est  autem  hoc  additum  ad  eorum  consolationem,  ne  grave  sit  illis  exspectationem  suam  fovere  usque  ad  diem  adventus  Christi,  ne  indignum  reputent,  si  nondum  haereditatis  sibi  promissae  sint  compotes  :  quum  haec  universae  ecclesiae  sors  sit  communis.  In  laudem  gloriae.  Laus  hic,  ut  paulo  ante,  loco  praedicationis  capitur.  Gloria  eius  latere  interdum  potest,  vel  esse  obscura.  Ideo  dicit  Paulus,  Deum  in  Ephesiis  documenta  suae  bonitatis  edidisse,  ut  gloria  sua  decantetur,  ac  palam  illustris  fiat.  Unde  sequitur,  invidos  esse  et  obtrectatores  gloriae  Dei  quicunque  Ephesiorum  vocationi  obtrectant.  Quod  autem  toties  commemorationem  gloriae  Dei  repetit,  non  debet  videri  supervacuum.  Nam  de  re  infinita  nihil  potest  dici  immodice.  Praesertim  valet  hoc  in  commendanda  Dei  misericordia,  cuius  sensum  quisquis  vere  pius  erit  nunquam  poterit  verbis  aequare.  Itaque  tam  narrandis  eius  encomiis  promptas  esse  pias  omnes  linguas,  quam  aures  libenter  audiendis  apertas  esse  convenit.  Hoc  enim  argumentum  est,  in  quo  si  totam  suam  facundiam  explicent  tam  angeli  quam  homines,  magnitudini  tamen  longe  cedent.  Deinde  observemus,  nullam  esse  magis  validam  refutationem  ad  obstruenda  impiorum  ora,  quam  si  ostenderimus  gloriam  Dei  asseri  a  nobis,  ab  illis  vero  obscurari.