50:154  est  igitur  :  nolite  vestra  culpa  committere  ut  in  exitium  vobis  vertatur  quod  Deus  in  salutem  ordinavit.  Interea  pastores  omnes  admonet  apostolus  suo  exemplo,  qualiter  usum  suae  potestatis  moderari  debeant.  l  l  .  Quod  superest,  fratres.  Temperat  quidquid  fuit  acerbitatis  in  tota  epistola:  quia  nolebat  exasperatos  relinquere  eorum  animos,  sed  magis  placare*  Tunc  enim  prosunt  obiurgationes,  quum  veluti  melle  condiuntur,  ut  eas  auditor  placide  admittat:  siquidem  fieri  potest.  Quamquam  videtur  a  paucis  morbidis  redire  ad  totam  ecclesiam.  Itaque  eius  integritati  se  consulere  testatur  et  consolationem  optare.  Unanimes  e  s  s  e  ,  et  in  pace  agere,  differunt:  quia  aliud  ex  alio  provenit.  Prius  pertinet  ad  opinionum  consensum  :  altero  benevolentia  et  animorum  coniunctio  significatur.  Et  Deus  pacis.  Hoc  addit,  quo  plus  apud  eos  valeat  exhortatio.  Simul  autem  innuit  Deum  nobis  adfuturum,  si  pacem  inter  nos  colamus,  alienos  vero  esse  ab  eo  quicunque  dissident.  Ubi  enim  discordiae  et  contentiones,  illic  diabolum  regnare  certum  est.  Porro  quae  conventio  luci  cum  tenebris  ?  Deum  pacis  et  dilectionis  vocat,  qui  pacem  et  dilectionem  nobis  commendavit,  qui  eas  amat,  qui  earum  est  autor.  De  osculo  diximus  in  duas  epistolas  superiores.  13.  Gratia  Domini  Iesu.  Claudit  epistolam  precatione,  quae  tria  membra  continet,  in  quibus  salutis  nostrae  summa  consistit.  Primum  illis  optat  Christi  gratiam:  secundo  Dei  dilectionem:  tertio,  communicationem  spiritus.  Vocabulum  gratiae  non  hic  significat  gratuitum  favorem,  sed  metonymice  capitur  pro  toto  redemptionis  beneficio.  Sed  videtur  hic  ordo  inversus,  quod  posterior  nominatur  Dei  dilectio,  quae  tamen  causa  est  illius  gratiae:  ideoque  ordine  praecedit.  Respondeo,  non  adeo  accuratam  semper  esse  verborum  collocationem  in  scripturis:  tamen  hunc  quoque  ordinem  congruere  communi  docendi  formae,  quae  habetur  in  scripturis,  nos  scilicet,  quum  inimici  essemus  Deo,  reconciliatos  fuisse  per  mortem  filii  eius.  Quamquam  dupliciter  scriptura  loqui  solet.  Interdum  enim  pronuntiat  quod  iam  citavi  ex  Paulo:  inimicitias  fuisse  inter  nos  et  Deum  antequam  per  Christum  reconciliaremur.  E  converso,  audimus  quid  dicat  Iohannes  (3,  16),  Deum  ita  dilexisse  mundum,  ut  filium  suum  unigenitum  daret,  ete.  Videntur  in  speciem  contrariae  sententiae.  At  facilis  est  conciliatio:  siquidem  hinc  Deum,  inde  nos  intuemur.  Nam  Deus,  quantum  ad  se,  dilexit  ante  mundi  creationem,  neque  alia  de  causa  nos  redemit,  nisi  quia  diligebat.  Nos  autem  quum  in  nobis  nihil  cernamus  praeter  materiam  irae,  hoc  est,  peccatum,  nullam  Dei  erga  nos  dilectionem  apprehendere  possumus  absque  me-