44:154  hunc  virum,  admonet  non  considerandam  esse  Ierosolymam,  nisi  in  spiritu:  quia  vix  tunc  poterant  adduci  ut  construerent  urbem  instar  mediocris  et  obscuri  oppidi.  Yidemus  ergo  hic  notari  discrimen  inter  externum  adspectum  Ierosolymae,  qualis  tunc  erat,  et  inter  statum  futurum,  qui  erat  sperandus:  quanquam  tunc  non  erat  visibilis.  Haec  igitur  ratio  est  prophetiae,  quod  ubi  Zacharias  sustulit  oculos,  viderit  mensuram  vel  perpendiculum  in  manu  viri.  Iam  rursus  admonet  se  fuisse  attentum  ad  visiones  istas.  Nam  dum  interrogat,  ostendit  se  non  esse  somniculosum  vel  socordem,  sicuti  multi  suffocant  omnem  lucem  sua  ignavia.  Et  utinam  hodie  talis  in  nobis  torpor  non  dominaretur!  quia  merito  poenas  damus  contemptus  nostri,  quoties  secure  et  negligenter  audimus  quod  Deus  nobis  proponit.  Ergo  discenda  est  nobis  attentio  et  maior  sedulitas  ab  exemplo  prophetae.  Quaerit  quonam  abeat:  postea  adiungit,  Ut  metiatur:  tandem  ostendit  qualis  sit  mensura  Ierosolymae,  nempe  quia  posthac  nullus  erit  circuitus  murorum,  qui  capiat  immensam  populi  multitudinem.  Deus  ergo,  inquit,  longe  lateque  diffundet  sanctam  urbem:  non  erit  amplius  clausa  suis  moenibus  ut  antea,  sed  habitabitur  per  omnes  pagos.  Non  dubium  igitur  est  quin  hic  Deus  testari  voluerit  de  ecclesiae  propagatione,  quae  multo  post  tempore  sequuta  est,  nempe  Christi  adventu.  Etsi  enim  opulenta  fuit  Ierosolyma,  deinde  habuit  maximum  circuitum,  imo  fuit  urbs  triplex,  nt  satis  notum  est:  et  profani  etiam  scriptores  tradunt  fuisse  praecipuam  inter  urbes  Orientis,  ubi  tamen  erat  tunc  Babylon:  si  tamen  conferatur  cum  statu  Ierosolymae  hoc  vaticinium,  non  habitata  sine  muris,  nec  diffusa  fuit  per  totam  Iudaeam.  Colligimus  ergo  describi  hic  nobis  spiritualem  Ierosolymam,  quae  differt  ab  omnibus  terrenis  urbibus.  Quod  autem  sequitur,  venisse  angelum  in  medium,  ��t  deinde  fuisse  obvium  alteri  angelo,  hinc  etiam  apparet,  quemadmodum  ex  toto  prophetae  contextu,  quam  diligenter  curet  Deus  salutem  ecclesiae  suae:  quia  semper  angelos  quasi  emissarios  habet,  qui  properent  ad  eius  nutum,  et  prospiciant  ecclesiae  necessitatibus.  Quum  ergo  ita  angeli  consentiant  ad  tuendam  ecclesiae  salutem,  hinc  perspicimus  quam  Deo  cari  sint  fideles,  in  quorum  gratiam  ita  exercet  omnes  suos  angelos.  Deinde  videmus  etiam  ut  Dominus  voluerit  hoc  vaticinium  clarum  et  manifestum  esse  piis  omnibus:  Vade,  curre  ad  puerum  hunc,  inquit,  et  dic.  Petierat  quidem  Zacharias  sibi  exponi  quid  vellet  mensura  in  manu  hominis:  quod  autem  angelus  alter  occurrit,  hinc  apparet,  quemadmodum  iam  dixi,  non  negligere  Deum  preces  suorum  et  vota,  si  modo  discere  cupiant:  quin  fungatur  officio  probi  et  fidelis  magistri  erga  ipsos:  imo  currendi  verbum  etiam  notandum  est.  Vade,  inquit,  et  quidem  propera,  ne  puer  hic  ditdius  hae-