27:154  cause,  sinon  leur  ingratitude,  que  ils  ont  repousse  la  promesse  de  Dieu  par  leur  incredulite,  et  rebellion,  et  Tont  aneantie  entant  qu'en  eux  est?  Et  ainsi  pensons  a  nous.  Il  est  vray  qu'il  nous  faut  estre  pelerins  en  ce  monde,  si  nous  voulons  estre  heritiers  des  cieux,  comme  l'Apostre  le  monstre.  Mais  quoy  qu'il  en  soit,  si  nous  voulons  estre  benits  de  nostre  Dieu,  que  nous  vueillions  sentir  qu'il  nous  sera  une  bonne  garde,  tenons-nous  en  son  obeissance,  et  suiettion:  autrement  sachons  que  quand  tout  le  monde  nous  applaudira,  si  faudra-il  que  nous  sentions  qu'on  nous  persecute,  tellement  que  nous  ne  trouverons  de  repos  nulle  part.  Si  un  homme  fidele  chemine  en  la  crainte  de  son  Dieu,  encores  qu'on  le  poursuyve,  qu'on  le  moleste,  qu'on  le  tormente,  tousiours  il  s'appuyera  la  dessus,  pour  dire:  Si  est-ce  que  mon  Dieu  est  mon  protecteur:  et  l'invoquera,  et  en  l'invoquant  ii  prendra  occasion  de  se  consoler.  Mais  au  contraire,  quand  un  incredule  sera  rebelle  a  Dieu,  encores  que  tout  luy  soit  paisible  selon  le  monde,  qu'on  luy  favorise,  et  que  mesmes  on  le  redoute,  si  est-ce  qu'il  sera  tousiours  en  inquietude,  et  sera  comme  transi.  La  raison?  C'est  qu'il  n'a  point  cerche  paix  avec  Dieu.  Et  ainsi  donc  notons  quand  ici  Moyse  exhorte  le  peuple  de  servir  a  Dieu  tout  le  temps  qu'il  vivra,  que  c'est  afin  que  nous  cognoissions  que  de  iour  en  iour  Dieu  renouvelle  sa  misericorde,  et  sa  bonte  envers  nous,  afin  que  nous  soyons  enflambez  a  le  servir  d'un  plus  grand  courage,  d'un  zele  plus  ardent,  et  que  du  iour  au  lendemain  nous  soyons  la  comme  si  nous  estions  reposez.  Nous  voyons  que  le  dormir  mesmes  restaure  l'homme,  tellement  que  s'il  est  las  pour  avoir  chemine,  ou  travaille,  le  lendemain  il  sera  prest  et  dispos,  pour  retourner  au  labeur:  ainsi  faut-il  que  nous  prenions  courage,  selon  que  nostre  Seigneur  nous  incite,  et  qu'il  nous  rappelle  a  soy,  qu'on  voye  que  nous  sommes  prests  et  appareillez  de  le  suyvre.  Or  venons  maintenant  a  ce  que  Moyse  expose  des  ordonnances  et  statuts  du  Seigneur.  En  premier  lieu  il  commande  aux  Iuifs,  qu'estans  venus  en  la  terre  qu'ils  doivent  posseder  en  heritage,  ils  destruisent  tous  les  autels  des  Payens,  qu'ils  rompent  et  brisent  leurs  idoles,  qu'ils  bruslera  tous  les  bois  ou  ils  ont  fait  leurs  superstitions,  et  que  la  memoire  en  soit  du  tout  exterminee.  Or  ici  nous  voyons  derechef  comme  l'idolatrie  est  execrable  a  Dieu,  et  qu'il  ne  peut  souffrir  que  son  service  soit  corrompu  en  nulle  facon:  notons  (di-ie)  que  Dieu  n'accepte  nul  service  de  nous,  quand  nous  y  meslons  quelques  abus,  et  quelques  follies  de  nostre  teste:  qu'il  faut  que  nous  le  servions  luy  seul,  et  que  nous  le  servions,  non  point  a  nostre  guise,  mais  selon  sa  volonte,  et  selon  qu'il  le  commande,  et  approuve.  Et  en  cela  voyons-nous  comme  beau-