21:154  historia  partim  ab  ipso  Calvino  ex  actis  publicis,  partim  a  Benedicto  Aretio  Bernensi  theologo  pastore  fideliter  descripta,  adiectaque  blasphemiarum  ipsius  refutatio:  quae  quidem  omnia  aliaque  eodem  congesta,  quae  ad  illud  argumentum  pertinent,  edita  sunt  in  hac  civitate  anno  Domini  LXVII  supra  sesquimillesimum.  Ergo  infelix  iste  sagaci  quidem,  sed  vafro  sophisticoque  ingenio  praeditus,  aliquanto  post  sumptum  de  Serveto  supplicium  nactus  illius  librum  itemque  Calvini  refutationem  facile  animadvertit,  neque  illius  spectra  et  ideas,  quibus  Samosateni  haeresim  ille  coloraverat,  neque  invectam  a  Sabellio  personarum  cum  essentia  confusionem  [C  5]  deitatem  denique  Christi,  qualem  impurus  Arius  factitiam  1)  esse  docuit,  cum  verbo  Dei  conciliari  posse.  Et  quum  rursus,  quae  in  scripturis  de  una  Dei  essentia  et  tribus  inter  se  re  ipsa  distinctis  hypostasibus  traduntur,  intelligentiae  nostrae  minime  quadrare  videret,  fecit  quod  eiusmodi  ingenia  consueverunt,  id  est,  non  sese  Dei  sapientiae  submisit,  sed  id  demum  verum  esse  sibi  persuasit,  quod  cum  humana  ratione  consentiret.  Itaque  monarchia  ad  unicam  patris  personam  translata,  quem  solum  illum  et  unicum  avxo&tov  esse  voluit,  essentiationem,  id  est,  essentiae  propagationem  tresque  numero  ut  personas  sic  etiam  essentias,  id  est,  tres  numero  deos,  tres  aeternos,  omnipotentes,  immensos  aperte  profiteri  coepit,  eoque  non  modo  sacrum  Dei  verbum,  sed  ipsius  etiam  synodi  Nicaenae,  repudiato  tamen  Athanasii  symbolo,  et  vetustiorum  scriptorum,  videlicet  Ignatii,  Tertulliani,  Irenaei  et  Lactantii  autoritatem  inaudita  quadam  impudentia  detorquere.  Alios  enim  omnes  orthodoxos  scriptores  Mcaenam  synodum  sequutos  non  tantum  repudiabat,  sed  etiam  ut  impios  sugillabat.  Hanc  autem  blasphemiam  aliae  quoque  de  hypostatica  unione  sequebantur.  Haec  clanculum  initio  inter  paucos  quasi  disputationis  causa  agitata,  quorum  praecipui  fuerunt  Ioannes  Paulus  Alciatus,  Mediolanensis  miles,  et  Georgius  Blandrata  Saluciensis,  professione  medicus,  tandemque  Italico  presbyterio  nunciata  causam  cogendo  extra  ordinem  coetui  praebuerunt,  ubi  coram  delectis  senatoribus  omnibusque  ministris  ac  presbyteris,  patienter  auditis  ac  ex  Dei  verbo  per  Calvinum  refutatis  quaecunque  illi  proferre  voluerunt,  ita  res  est  composita,  ut  scriptae  orthodoxae  fidei  omnes  Itali  statim  subscriberent,  sex  duntaxat  exceptis,  qui  tamen  et  ipsi  postea  seorsim  vocati  manu  quidem,  ac2)  corde  non  item,  ut  postea  apparuit,  subscripserunt.  Rediens  igitur  ad  ingenium  Gentilis  eandemque  blasphemiam  rursum  spargere  deprehensus  capitur,  captus  nihil  dissimulat,  auditus  quam-  1)  lege  :  fictitiam  cum  ed.  1576  et  aliis.  2)  sic  sola  princeps.  Lege:  at.