8:153  153  PROCES  DE  BOLSEC.  154  a  parle  a  ladicte  congregation  pour  en  dire  ce  que  Dieu  la  enseigne  par  sa  parolle.  Interrogue  si  luy  estant  leve  pour  contredire  a  telle  proposite  et  en  se  levant  il  a  pas  loue  et  approuve  tout  ce  que  avoit  este  propose:  Respond  que  non  et  quil  ne  la  pas  dict.  Interrogue  si  apres  telle  aprobation  faicte  et  suyvant  son  propoz  il  na  pas  dict  que  telle  matiere  meritoit  plus  grande  exposition  :  Respond  quil  a  dict  quil  avoit  des  passaiges  en  ladicte  proposite  qui  meritoient  plus  grande  exposition.  Interrogue  si  suyvant  son  propoz  et  matiere  de  la  predestination  est  commancement  de  toutes  choses  il  na  recites  plusieurs  erreurs  lesquelles  avoient  este  par  le  passe  mises  en  avant  par  aulcuns  fantastiques  et  lesquelles  il  a  condemne:  Respond  quil  a  dict  les  parolles  semblables:  Nous  avons  entendu  quil  y  a  eu  aulcuns  cerveaux  fantasticques  pires  que  papistes  qui  nient  leslection  et  la  reprobation  lesquelz  ont  eu  grand  tort  entant  que  lescripture  saincte  parle  de  leslection  et  reprobation:  depuys  nous  avons  entendu  quil  en  est  venu  daultres  cerveaux  fantastiques  qui  nient  leslection  et  reprobation  estre  eternelles  ou  deternite  qui  encores  ont  grand  tort  car  de  leternite  de  leslection  sainct  Paul  en  a  rendu  tesmoignaige  au  premier  chapistre  aux  Ephesiens  et  de  la  reprobation  eternelle  Ihs  Christ  en  faict  mention  au  septiesme  de  sainct  Mathieu  quant  il  a  dict  que  plusieurs  viendront  aux  derniers  iours  qui  luy  diront  Seigneur  Seigneur  nous  avons  prophetise  en  ton  nom  nous  avons  faict  des  miracles  en  ton  nom  et  il  leur  respondra  ie  ne  vous  congneus  iamais.  Interrogue  si  apres  teiz  propoz  tenus  il  na  pas  dict  que  a  present  ilz  nous  sont  proposes  et  enseigne  plusieurs  erreurs  mesmes  concernant  la  matiere  dessus  par  lesquelles  maintenir  lon  abusoit  et  pervertissoit  plusieurs  passaiges  de  lescripture  desquelz  il  en  a  nomme  plusieurs  admonestant  le  peuple  de  louyr  et  entendre  et  croire  aux  expositions  quil  en  donneroit  comme  sainctes  et  de  reiecter  celles  qui  estoient  enseignees  et  proposees:  Respond  quil  a  dict  en  ceste  maniere  que  au  contraire  des  maniciens  anciens  hereticques  se  sont  eslevees  a  present  aulcunes  opinions  qui  establissent  une  seulle  cause  de  tout  ce  qui  est  faict  et  advient  qui  est  la  voilunfee  et  decret  immuable  de  Dieu  et  que  en  lestablissant  ceste  opinion  corrumpoit  lescripture  et  parolle  de  Dieu  lexposant  mal  et  tiercement  atribuoient  a  des  sainctz  docteurs  ce  que  nont  point  dict  ny  escript  et  que  touchant  lexhortation  par  luy  faicte  en  la  congregation  il  est  vray  quil  a  exhorte  lassemblee  a.  se  tenir  ferme  tousiours  a  la  parolle  de  Dieu  et  ouyr  les  expositions  sainctes  et  des  saincts  docteurs  lesquelles  expositions  il  a  mis  en  avant  devant  ladicte  assemblee  ne  penssant  avoir