7:153  153  CONTEE  LES  LIBERTINS.  CHAPITRE  L  Ou  il  est  declaire,  combien  pernicieuse  est  la  secte  des  Libertins.!)  [page  9]  Combien  que  toutes  sectes  d'heretiques  soyent  pestes  mortelles  en  la  Chrestiente:  toutesfois  nous  ne  lisons  point  en  toutes  les  histoires  anciennes  qu'il  y  en  ait  iamais  eu  une  si  pernicieuse,  que  celle  qui  se  nomme  auiourdhuy  des  Libertins.  Mais  si  elle  est  meschante,  encor  est  elle  plus  enorme  et  brutale,  tellement  qu'il  n'y  a  homme  de  sain  iugement  qui  y  puisse  penser  sans  en  avoir  horreur.  Au  reste  il  y  a  un  bien,  qu'il  ne  s'en  faut  pas  estonner,2)  comme  si  elle  contenoit  rien  de  nouveau.  Car  quant  a  la  somme  de  la  doctrine,  l'origine  en  estoit  desia  du  temps  des  Apostres:  au  moins  en  partie,  comme  ie  le  monstreray  tantost.  Et  le  reste,  ilz  le  tiennent  des  Valentiniens,  Cerdonites,  ou  Manichiens:  lesquelz  ont  trouble  l'Eglise,  il  [page  10]  y  a  plus  de  quatorze  cens  ans.  Il  est  vray  que  ce  sont  gens  ignorans  et  idiotz,  qui  n'ont  pas  tant  visite  les  papiers  qu'ilz  ayent  peu  apprendre  leurs  follies  de  la.  Et  n'est  pas  vray-semblable  qu'ilz  sachent,  que  iamais  il  en  ait  este  parle.  Tant  y  a,  qu'ilz  ne  le  peuvent  point  savoir  par  lecture.  Mais  le  mesme  maistre,  qui  avoit  iadis  suscite  les  anciens  heretiques,  que  i'ay  dict,  leur  a  bien  peu  apprendre  une  telle  lecon  qu'il  avoit  appris  a  ceux  la.  Car  puis  que  nous  savons  par  l'advertissement  de  nostre  Seigneur,  que  des  le  commencement  il  a  este  le  pere  de  mensonge,  il  n'y  a  doute,  que  tous  les  erreurs  qui  ont  iamais  este,  et  sont  encor  a  present,3)  n'ayent  este  1)  1547  suiv.:  Icy  est  dechire,  combien  etc.  Chap.  I.  Le  Utre  general-  contre  les  Libertins,  ne  se  trouve  point  dans  les  editions  latines.  2)  Hoc  saltem  boni  est  quod  terreri  nos  minime  decet.  3)  ac  futuri  sunt.