6:I53  CATECHISMUS  GENEVENSIS.  154  faites  en  Iesus  Christ  Pourtant  nous  confessons  que  nous  croyons  au  sainct  Esprit,  comme  au  Pere  et  au  Fils,  qui  est  ia  Sapience  eternelle  de  Dieu,  Finalement,  que  V  Eglise  est  sanctifiee  et  delivree  de  ses  pechez  par  la  grace  de  Dieu,  et  qu'elle  ressuscitera  en  la  vie  eternelle.  LE  MINISTRE.  Faut-il  servir  Dieu  selon  ses  commandemens,  ou  selon  les  traditions  des  hommes?  L'ENFANT.  Il  le  faut  servir  selon  ses  commandemens  et  non  pas  selon  les  commandemens  des  hommes.  DEMANDE.  Mais  les  larrons,  meurtriers,  paillars  et  autres  semblables  ne  peuvent  pas  avoir  la  foy  sans  repentance,  ni  repentance  sans  charite,  laquelle  se  doit  demonstrer  envers  le  prochain.  RESPONSE.  Il  est  vray.  DEMANDE.  Qu'est-ce  que  Charite?  RESPONSE.  C'est  un  don  de  Dieu,  engendrant  en  nous  vraye  amitie  envers  nos  prochains,  les  aimant  et  secourant  comme  nousmesmes,  pour  l'honneur  et  obeissance  que  nous  devons  a  Dieu  et  a  sa  parole,  par  laquelle  il  le  nous  commande.  DEMANDE.  Ne  faut-il  croire  qu'en  Dieu?  RESPONSE.  Si  fait:  car  Iesus  Christ  mesme  a  dit:  Vous  croyez  en  Dieu,  vous  faites  bien:  croyez  aussi  en  moy.  DEMANDE.  Il  faut  donc  croire  en  Iesus  Christ?  RESPONSE.  Ouy:  d'autant  qu'il  est  en  substance  et  essence  egal  au  Pere  selon  sa  divinite:  et  aussi  pource  qu'il  est  Sauveur,  sans  lequel  nous  fussions  tous  damnez.  DEMANDE.  Pourquoy  sont  les  hommes  damnez?  RESPONSE.  Pource  qu'ils  ont  offense  Dieu.  DEMANDE.  Les  petits  enfans  et  ceux  qui  meurent  au  ventre  de  la  mere,  ou  avant  qu'avoir  peche,  ne  seront  doncques  pas  damnez  ?  RESPONSE.  Si  seront,  d'autant  qu'ils  sont  fils  d'Adam,  ayans  en  euxmesmes  le  peche  originel.  DEMANDE.  Qu'est-ce  a  dire  Peche  originel?  RESPONSE.  C'est  le  peche  que  nous  avons  de  nostre  origine  et  commencement.  DEMANDE.  Est-ce  assez  d'avoir  creu  pour  une  fois  que  Iesus  Christ  est  nostre  Sauveur?  RESPONSE.  Non,  mais  il  faut  continuer:  car  la  fin  couronne,  et  nous  faut  souvent  renouveller  par  predications  et  usage  des  Sacremens,  a  cause  que  nous  sommes  debiles  et  fragiles.  DEMANDE.  Est-il  assez  de  communiquer  une  fois  a  la  saincte  Cene?  RESPONSE.  Non.  DEMANDE.  Combien  de  fois  doncques  nous  y  faut-il  communiquer?  RESPONSE.  Tousiours.  DEMANDE.  Comment  se  peut-il  donc  faire?  RESPONSE.  Par  la  foy  et  parole  de  Dieu.  DEMANDE.  Puis  que  par  la  Parole  nous  communiquons  en  Iesus  Christ,  il  n'est  point  besoin  de  Sacremens.  RESPONSE.  Si  est  bien:  a  fin  de  nous  mieux  asseurer  et  donner  aide  a  nos  sens.  DEMANDE.  Le  pain  que  signifie-il?  RESPONSE.  Le  corps.  DEMANDE.  Et  ne  signifie-il  pas  le  sang?  RESPONSE.  Non.  DEMANDE.  Qu'est-ce  que  signifie  le  sang?  RESPONSE.  C'est  le  vin.  DEMANDE.  Faut-il  prendre  l'un  et  l'autre?  RESPONSE.  Ouy,  pource  que  Iesus  Christ  mesme  l'a  expressement  commande,  et  a  ordonne  et  institue  toutes  les  deux  especes,  desquelles  faut  user  comme  de  la  parole,  ou  bien  on  mesprisera  son  institution,  et  se  voudra  on  monstrer  plus  sage  que  luy,  qui  est  un  sacrilege  detestable  devant  Dieu.  DEMANDE.  Combien  y  a-il  de  commandemens?  RESPONSE.  Dix.  DEMANDE.  Les  faut-il  tous  garder?  RESPONSE.  Ouy.  DEMANDE.  Les  pouvons-nous  faire  et  accomplir?  RESPONSE.  Non  p  asi  un.  DEMANDE.  Et  quel  moyen  avons-nous  d'estre  sauvez?  RESPONSE.  Iesus  Christ  en  souffrant  nous  a  acquis  le  moyen  de  salut,  et  n'y  en  faut  point  d'autre  que  luy,  ni  merites,  ni  oeuvres  nostres,  ni  d'autruy.  DEMANDE.  Quand  vous  priez,  qui  priez-vous?  RESPONSE.  Dieu.  DEMANDE.  Le  priez-vous  luy  seul?