55:153  153  CAPUT  XL  154  simul  mittendus  esset.  Hoc  rarum  est  fidei  experimentum,  relinquere  quod  sub  manu  est,  et  quae  procul  sunt  et  nobis  incognita,  quaeramus.  Nam  quum  Deus  illum  migrare  iubet,  non  designat  locum  in  quo  velit  eum  degere:  sed  suspensum  perplexumque  animi  relinquit.  Veni,  inquit,  in  locum  quem  monstrabo  tibi.  Quorsum  loci  notationem  differt,  nisi  ut  magis  ac  magis  exerceatur  eius  fides?  Et  poterat  natalis  soli  amor  non  modo  retardare  Abrahae  alacritatem,  sed  prorsus  tenere  ligatum  eius  animum,  ne  domo  exiret  Non  vulgaris  ergo  fuit  eius  fides,  quae  ita  omnibus  abruptis  impedimentis  eum  rapuit  quo  Dominus  vocabat.  9.  Fide  peregrinatus  est  Hoc  est  secundum  membrum:  quod  terram  ingressus,  vix  tanquam  alienigena  et  inquilinus  excipitur.  Ubi  illa  haereditas  quam  speraverat?  Protinus  certe  in  mentem  illi  venire  potuit,  se  fuisse  a  Deo  delusum:  maior  etiam  illa  frustrationis  species  quam  apostolus  omittit,  quod  paulo  post  eum  inde  fames  expellit,  quod  secundo  etiam  cogitur  lugere  in  terram  Gerar.  Sed  apostolus  satis  habuit  uno  verbo  commendare  eius  perseverantiam,  quum  dixit  fuisse  inquilinum  terrae  promissae:  nam  inquilini  conditio  promissioni  erat  contraria.  Quod  ergo  fortiter  hanc  tentationem  sustinuit  Abraham,  insignis  virtus  fuit:  sed  quae  prodiit  ex  sola  fide.  Cum  Isaac  et  Iacob.  Non  significat  sub  iisdem  tabernaculis  vel  eodem  tempore  eos  habitasse,  sed  comites  Abrahae  adiungit  filium  et  nepotem,  quia  peregrinati  fuerint  in  haereditate  sibi  promissa,  neque  tamen  defecerint,  utcunque  in  longum  tempus  ipsos  Deus  extraheret.  Nam  quo  longior  fuit  mora,  eo  magis  crevit  tentatio:  nisi  opposito  fidei  clypeo  omnes  dubitationem  insultus  repulissent.  10.  Exspectabant  enim.  Reddit  causam  cur  fidei  adscribat  eorum  tolerantiam:  nempe  quia  in  coelum  respicerent.  Hoc  vero  fuit  videre  quae  non  videatur.  Quamquam  enim  hoc  iam  magnum  erat,  de  terrae  possessione  fidem  sibi  a  Deo  datam  fovere  in  animis,  donec  post  aliquot  saecula  res  ipsa  exhiberetur:  tamen  quum  ne  illic  quidem  subsidunt,  sed  penetrant  usque  in  coelum,  in  eo  luculentius  fidem  suam  demonstrant.  Coelum  vocat  urbem  fundatam,  cuius  status  perpetuus  est:  quum  in  mundo  nihil  sit  nisi  fiuidum  et  caducum.  Hoc  autem  absurdum  videri  posset,  quod  Deum  facit  coeli  conditorem,  quasi  non  terram  quoque  creaverit.  Respondeo,  quia  in  terrenis  structuris  ad  materiem  accedunt  hominum  manus,  illis  Dei  opificium  non  inepte  opponi.  Quidquid  autem  ab  hominibus  construitur,  autores  suos  ipsa  instabilitate  refert:  sicuti  coelestis  vitae  perpetuitas  Dei  conditoris  naturae  convenit.  Eius  porro  exspectatione  sublevari  omne  taedium  docet  apostolus,  ne  unquam  Deum  sequendo  fatigemur.