52:153  153  CAPUT  II.  154  repugnant,  sed  ita  implere  patrum  mensuram,  quemadmodum  Christus  loquitur  (Matth.  23,  32).  16.  Qui  obsistunt  ne  gentibus  loquamur.  Non  abs  re  (ut  dictum  est)  tam  prolixe  immoratur  in  exagitanda  Iudaeorum  malitia.  Nam  quum  ubique  furiose  evangelio  se  opponerent,  ingens  inde  scandalum  oriebatur  :  praesertim  quum  evangelium  clamarent  profanari  a  Paulo,  dum  illud  gentibus  vulgabat.  Hac  calumnia  scindebant  ecclesias,  spem  salutis  eripiebant  gentibus,  et  evangelio  viam  obstruebant.  Hoc  ergo  crimine  eos  gravat  Paulus,  quod  invideant  gentibus  salutem:  sed  addit,  hoc  fieri  ut  compleantur  eorum  peccata,  ut  illis  omnem  pietatis  opinionem  adimat.  Quemadmodum  ubi  prius  dicebat,  non  placere  Deo  :  hoc  volebat  indignos  esse  quorum  ratio  inter  Dei  cultores  haberetur.  Loquutio  tamen  notanda  est,  quod  qui  male  agendo  pergunt,  mensuram  hoc  modo  iudicii  sui  implent,  donec  ad  cumulum  perveniant.  Haec  causa  est  cur  saepe  differatur  impiorum  poena:  quia  nondum  maturae  sunt  (ut  ita  dicam)  eorum  impietates.  Hinc  monemur,  sedulo  cavendum  esse  ne,  si  peccata  subinde  peccatis  addamus,  quemadmodum  passim  fieri  solet,  cumulus  tandem  usque  in  coelum  conscendat.  Pervenit  enim.  Significat  prorsus  esse  desperatos,  quia  vasa  sint  irae  Domini,  perinde  enim  hoc  valet  ac  si  diceretur,  urget  eos  ac  persequitur  iusta  Dei  ultio,  neque  desinet  usque  dum  pereant:  quod  in  omnes  reprobos  competit,  qui  in  mortem,  cui  destinati  sunt,  praecipites  ruunt.  Hoc  autem  sic  de  universo  gentis  corpore  pronuntiat  apostolus,  ut  tamen  electis  spem  non  praecidat.  Nam  quia  maior  pars  resistebat  Christo,  generaliter  quidem  de  tota  gente  loquitur.  Sed  tenenda  est  illa  exceptio  quam  ipse  ponit  ad  Romanos  capite  l  l  ,  5,  quod  semper  Dominus  residuum  aliquod  habebit  semen.  Tenendum  semper  est  Pauli  consilium,  fugiendam  sedulo  esse  fidelibus  eorum  societatem  quos  iusta  Dei  vindicta  persequitur,  donec  in  caeca  sua  obstinatione  pereant.  Ira  sine  adiecto  Dei  iudicium  significat,  sicut  ad  Romanos  capite  4,  15,  Lex  iram  operatur.  Item  12,  19)  Date  locum  irae.  17.  Nos  vero,  fratres,  orbati  vobis  ad  tempus  horae  adspectu,  non  corde,  abundantius  studuimus  faciem  vestram  videre  in  multo  desiderio.  18.  Itaque  voluimus  venire  ad  vos,  ego  quidem  Paulus,  et  semel  et  bis,  et  obstitit  nobis  Satan.  19.  Quae  enim  nostra  spes,  vel  gaudium,  vel  corona  gloriationis?  annon  etiam  vos  coram  Domino  nostro  Iesu  Christo  in  eius  adventu?  20.  Vos  enim  estis  gloria  nostra  et  gaudium.  17.  Nos  vero.  Opportune  haec  excusatio  addita  est,  ne  se  a  Paulo  desertos  esse  putarent  Thessa-