51:153  153  CAPUT  I.  154  tiam  in  salutem  credentibus.  Quamquam  hic  plus  exprimit.  Significat  enim  experimento  hoc  perceptum  suisse  ab  Ephesiis,  quia  salutis  facti  fuerint  compotes.  Miseri  igitur  qui  per  multas  ambages  vagando  se  fatigant,  sicuti  mundus  ex  magna  parte  evangelio  posthabito  se  erraticis  commentis  oblectat  Quia  diu  discendo,  nunquam  ad  scientiam  veritatis  pervenient,  nec  vitam  reperient.  Beati  autem  qui  evangelium  amplexi,  in  eo  constanter  manent:  quum  indubia  sit  veritas  et  vita.  13.  In  quo  etiam  postquam  credidistis.  Probatio  illius  certitudinis  quam  evangelio  tribuerat.  Quo  enim  magis  idoneo  sponsore  confirmari  potest  quam  spiritu  sancto?  Perinde  ergo  valet  hoc  ac  si  dixisset:  Quod  evangelium  nuncupavi  sermonem  veritatis,  id  non  probabo  vobis  hominum  autoritate:  quia  autorem  habetis  ipsum  Dei  spiritum,  qui  eius  fidem  in  cordibus  vestris  obsignat.  Est  autem  elegans  similitudo  a  sigillis  sumpta,  quibus  inter  homines  tollitur  ambiguitas.  Sigillis  enim  anthentica  redduntur  tam  diplomata  quam  testamenta.  Sigillum  quoque  olim  in  literis  praecipua  nota  erat,  unde  agnoscerentur.  Denique  sigillum  est  quod  genuina  et  certa  ab  adulterinis  et  supposititiis  discernit.  Hoc  officium  spiritui  sancto  tribuit  Paulus,  non  hic  tantum,  sed  infra  etiam  quarto  capite:  sicuti  et  2.  Corin.  cap.  1,  22.  Neque  enim  ea  nobis  animi  firmitudo  constat,  ut  veritas  Dei  adversus  omnes  Satanae  tentationes  apud  nos  praevaleat,  donec  spiritus  sanctus  in  ea  nos  confirmaverit.  Vera  igitur  persuasio,  quam  de  verbo  Dei,  de  salute  sua,  de  tota  religione  habent  fideles:  non  est  ex  sensu  carnis,  non  ex  humanis  aut  philosophicis  rationibus,  sed  ex  spiritus  obsignatione,  qui  illorum  conscientias  ita  reddit  certiores,  ut  dubitationem  omnem  eximat.  Caducum  enim  ac  instabile  esset  fidei  fundamentum,  si  in  humana  sapientia  locatum  esset.  Ergo  sicuti  praedicatio  instrumentum  est  fidei,  ita  spiritus  sanctus  facit  ut  praedicatio  sit  efficax.  Sed  videtur  hic  spiritus  obsignationem  fidei  subiicere:  quod  si  verum  est,  fides  illam  praecedit.  Respondeo,  duplicem  esse  effectum  spiritus  in  fide,  sicuti  fides  duabus  praecipue  partibus  continetur.  Nam  et  mentes  illuminat,  et  animos  confirmat.  Initium  fidei  est  notitia:  consummatio  est  fixa  et  stabilis  persuasio  quae  contrariam  dubitationem  nullam  admittat.  Utrumque  opus  est  spiritus,  ut  dixi.  Proinde  non  mirum  est  si  dicat  Paulus  non  solum  fide  percepisse  Ephesios  evangelii  veritatem,  sed  in  ea  fuisse  sigillo  spiritus  sancti  confirmatos.  Hac  ratione  appellat  spiritum  promissionis,  ab  effectu  scilicet.  Facit  enim  ne  frustra  nobis  offeratur  salutis  promissio.  Nam  sicut  Deus  verbo  suo  promittit  se  nobis  fore  in  patrem:  ita  spiritu  suo  testimonium  adoptionis  suae  nobis  reddit.  14.  Qui  est  arrhabo.  Hoc  quoque  epitheto  bis