50:153  153  CAPUT  XIII.  154  gratiam  et  commodum.  Eligat  lector  utram  volet.  Parum  enim  resert.  Quum  dicit,  modo  sitis  validi,  libenter  sustinebo  haberi  infirmus,  oppositio  est  vocum,  non  sensuum:  nam  infirmitas  contemptum  significat,  sicut  prius.  Validos  autem  fore  Corinthios  intelligit,  si  pleni  sint  virtute  et  gratia  Dei.  Soc  vero,  ete.  Quemadmodum  iam  aliquoties  fecit  antehac,  iterum  nunc  repetit,  se  necessitate,  non  proprio  impulsu  fuisse  austeriorem  quam  vellent.  Deinde  hoc  quoque  modo  se  illis  pepercisse,  ne  coram  duriore  remedio  cogeretur  uti.  Integritas,  de  qua  loquitur,  consistit  in  apta  membrorum  omnium  symmetria  et  sanitate.  Alludit  autem  ad  bonos  medicos,  qui  morbos  particulares  ita  curant,  ut  nihil  in  corpore  mutiletur.  Et  quia  eiusmodi  integritatis  curam  habet,  ideo  se  dicit  necessitatem  praevenire  acriora  remedia  adhibendi.  Videmus  enim  ut  qui  punctionem  vel  morsum  cataplasmatis  initio  exhorrent,  ad  ustionis  vel  sectionis  cruciatum  adigantur  tandem,  etiam  periculoso  eventu.  10.  Propterea  haec  absens  scribo:  ne  quum  praesens  fuero,  rigidus  sim,  iuxta  potestatem,  quam  dedit  mihi  Dominus  in  aedificationem,  et  non  in  destructionem,  ll.  Quod  superest,  fratres,  valete,  integri  estote,  consolationem  habete,  unanimes  sitist  in  pace  agite:  et  Deus  caritatis  ac  pacis  erit  vobiscum.  12.  Salutate  vos  mutuo  in  osculo  sancto.  Salutant  vos  sancti  omnes.  13.  Gratia  Domini  Iesu  Christi,  et  caritas  Dei,  et  communicatio  spiritus  sancti  sit  cum  omnibus  vobis,  Amen.  10.  Iuxta  potestatem.  Primum  rigorem  illum  munit  Dei  mandato,  ne  tonitru  videatur  sine  fulmine,  aut  temere  concitatus  impetus.  Deinde  admonet  se  malle  convertere  suam  potestatem  in  alium  usum,  in  quem  proprie  destinata  est,  nempe  in  eorum  aedificationem.  Ac  si  diceret:  Non  temere  prosiliam  ad  cruenta  remedia,  neque  iracundiae  meae  indulgebo  :  sed  tantum  exsequar  quod  Dominus  mihi  mandavit.  Potestatem  sibi  ad  exstruendum  datam,  non  autem  ad  destruendum,  paulo  diversa  occasione  dicit  quam  superius  capite  decimo.  Illic  enim  erat  commendatio  ab  utilitate  :  quia  gratiosum  esse  solet,  atque  a  nobis  libenter  recipitur  quod  e  re  nostra  est.  Hic  vero  duntaxat  testari  voluit,  quamquam  merito  acerbam  plagam  infligere  posset  Corinthiis,  tamen  sibi  longe  esse  optabilius  potestatem  suam  in  bonum  eorum  exercere  quam  in  exitium:  quia  proprius  sit  illius  finis.  Nam  sicuti  evangelium  suapte  natura  potentia  Dei  est  in  salutem  et  odor  vitae  in  vitam:  per  accidens  vero  odor  est  mortis:  ita  autoritas,  quae  illius  ministris  collata  est,  salutaris  esse  debet  auditoribus  :  si  autem  cedit  in  condemnationem,  id  est  praeter  eius  naturam.  Sensus