44:153  153  (vel  pagis)  habitabitur  Ierusalem  prae  multitudine  hominis  et  pecoris  (id  est,  hominum  et  pecorum)  in  medio  eius.  Nunc  additur  alia  visio  in  eundem  finem,  non  quod  difficilis  iam  esset  superior,  sed  quia  confirmatione  opus  fuit  in  rebus  adeo  turbatis,  etsi  enim  reditus  populi  non  vulgare  specimen  erat  bonitatis  et  gratiae  Dei  :  quia  tamen  non  florebat  Ierosolyma  ut  olim,  templum  erat  simile  tugurio,  nulla  tunc  erat  species  regni,  nullus  decor,  difficile  creditu  erat  quod  ante  vidimus.  Haec  ratio  est  cur  Deus  pluribus  signis  confirmet  rem  unam:  quia  scimus  quam  difficilis  sit  nobis  lucta  in  ista  carnis  infirmitate,  quum  nos  urgent  graves  et  durae  tentationes.  Dicit  ergo  Zacharias  se  vidisse  in  manu  viri  funicvHum  mensurae.  Virum  nunc  vocat  qui  sub  forma  viri  apparuit,  et  hoc  etiam  satis  receptum  est  ac  tritum  communi  usu,  ut  angeli  vocentur  homines.  Etsi  enim  ad  tempus  duntaxat  praediti  fuerunt  forma  humana,  quia  tamen  voluit  illos  Dominus  in  hac  specie  conspici,  haec  ratio  est  cur  viri  nominentur  improprie.  Si  quaeramus  an  vere  induerint  humanam  naturam  angeli,  responsio  in  promptu  est,  nunquam  fuisse  vere  homines,  proprie  loquendo:  sed  scimus  ut  Deus  nobiscum  balbutiat:  et  eadem  est  ratio  in  sermone,  quae  in  re  ipsa.  Unde  factum  est  ut  angeli  apparuerint  sub  humana  forma?  nempe  ut  familiarior  esset  accessus  ad  homines:  ideo  etiam  nominat  Deus  eosdem  viros,  quemadmodum  hoc  loco.  Dicit  ergo  Zacharias  sibi  angelum  apparuisse  sub  forma  hominis,  cum  funiculo  mensurae.  Postea  addit  se  rogasse  quonam  iret:  adiungit  responsum,  Ad  metiendum  Ierusalem,  ut  videat  quanta  sit  latitudo  et  qmnta  longitudo.  Finis  autem  vaticinii  est,  Ecce  habitabitur  Ierusalem  per  omnes  villas  j  quia  non  posset  capere  circuitus  murorum  tantam  hominum  copiam.  Deus  ergo  sic  augebit  populum  suum,  ut  non  possit  comprehendi  muris:  sed  erunt  spatiosi  ecclesiae  fines.  Habitabitur  ergo  Ierusalem  per  omnes  villas,  id  est,  per  totam  regionem.  Haec  est  summa.  Yidemus  nunc  consilium  spiritus  sancti:  quia  tantum  exigua  portio  ab  exsilio  redierat,  poterant  fideles  frigere  quum  scilicet  longissime  abessent  ab  illa  tam  splendida  ecclesiae  restitutione,  quae  toties  praedicta  fuerat,  vel  promissa.  Oportuit  igitur  altius  ipsos  erigi,  ut  patienter  exspectarent  dum  paulatim  et  per  certos  gradus  perficeret  Deus  quod  testatus  fuerat.  Ergo  ne  restringerent  Dei  gratiam  ad  tempus  exiguum,  vel  ad  paucos  dies,  ideo  propheta  hic  dicit  coram  Deo  aliam  esse  mensuram  Ierosolymae,  et  aliam  in  oculis  hominum.  Quod  ad  funiculum  mensurae  spectat,  hoc  dicitur  ex  more  antiquo.  Scimus  enim  tunc  non  usos  fuisse  vel  decempeda  vel  aliis  mensuris,  sed  funiculo.  Iam  quum  dicit  propheta  se  sustulisse  oculos  et  vidisse  CAPUT  H.  154