42:153  153  SUR  LE  XII.  CHAP.  DE  DANIEL.  154  j  en  ha  bien  peu  qui  le  facent  iournellement,  Dieu  nous  convie  a  recevoir  le  bien  qu'il  nous  ha  fait  en  nostre  Seigneur  Iesus  Christ.  Or  il  n'est  pas  question  de  nous  donner  ceci  ou  cela,  mais  il  se  donne  soimesme  a  nous  et  veut  que  nous  le  possedions  comme  nostre,  cependant  nous  sommes  tellement  adonnes  aux  choses  caduques  de  ce  monde,  que  Dieu  ne  nous  est  rien  au  pris,  c'est  a  dire  que  nous  ne  goustons  point  ses  biens  spirituels  qui  devroient  estre  prises  cent  mille  fois  plus  que  tout  le  monde,  nous  ne  scavons  que  c'est  de  tout  cela.  Ainsi  donc  on  voit  combien  les  hommes  sont  brutaux,  et  comme  Satan  les  aveugle  quand  ils  ne  pensent  point  a  Dieu  autrement.  Voila  un  item,  advisons  ie  vous  prie,  quelle  durete  et  quelle  rebellion  on  verra  auiourd'huy  aux  hommes,  on  les  menacera  iournellement  de  la  iustice  de  Dieu,  leurs  peches  sont  plus  que  notoires,  et  l'air  en  put,  ils  ne  feront  qu'infecter  le  ciel  et  la  terre,  on  voit  cela,  on  les  menace,  mais  quoy?  ils  ne  s'en  font  que  moquer,  et  puis  apres  ils  sont  bien  contents  encores  qu'on  voie  leur  impudence,  et  ie  vous  prie  cela  sera  il  tollerable  devant  Dieu?  moi  qui  ne  suis  que  son  serviteur,  voire  qu'un  pauvre  ver  de  terre,  ie  ne  souffrira!  point  qu'il  soit  ainsi  moque  et  diffame,  voire  et  le  declare  cependant  que  ie  suis  ici,  que  ie  ne  souffrira!  point  pour  ma  vie  qu'on  face  du  temple  de  Dieu  une  estable  a  pourceaux,  et  que  sera  ce  donc  quand  on  viendra  devant  ce  grand  iuge  souverain?  ie  vous  prie  souffrira  il  d'estre  ainsi  mocque?  Ainsi  donc  ce  n'est  pas  sans  cause  qu'il  est  ici  parle  du  serment  de  Dieu,  car  quand  nostre  Seigneur  iure,  il  nous  monstre  que  nous  avons  besoing  d'estre  piques  comme  des  asnes.  Et  cependant  si  nous  n'en  sommes  esmeus  cela  retournera  a  nostre  plus  grande  condemnation.  Or  les  fideles  en  pourroient  faire  leur  profit,  que  quand  ils  ont  conneu  que  nostre  Seigneur  Iesus  Christ  se  declarant  le  mediateur  du  monde,  ha  leve  les  mains  au  ciel,  et  qu'il  ha  appele  en  tesmoing  le  Dieu  eternel,  ils  doivent  regarder,  or  il  fault  que  nous  connoissions  que  ce  n'est  pas  sans  cause  que  ce  serment  ici  ha  este  adiouste,  il  nous  faut  donc  tenir  pour  tout  certain  et  resolu,  ce  qui  nous  est  dit.  Or  revenons  maintenant  a  la  circonstance  du  lieu,  il  est  question  des  troubles,  des  angoisses  et  des  persecutions  de  l'Eglise  dont  il  ha  este  parle  par  ci  devant:  il  avoit  este  dit  que  les  persecutions  seroient  plus  grandes  que  iamais  elles  n'avoient  este,  maintenant  il  est  dit  que  ce  sera  pour  un  temps,  pour  deux  temps,  et  pour  la  moitie  d'un  temps,  nostre  Seigneur  n'use  point  ici  d'un  tel  langage  sans  propos,  mais  il  parle  obscurement  a  fin  que  nous  soions  tant  plus  attentifs,  c'est  une  facon  asses  commune  en  l'escripture  d'appeler  un  terme  certain  un  an,  comme  il  est  dit  l'annee  d'un  homme