27:153  153  SUR  LE  DEUTER.  CHAP.  XII.  154  nous  soyons  adonnez  a  luy,  et  a  Dieu  son  Pere,  et  que  nous  luy  soyons  du  tout  dediez,  et  que  tant  que  nous  cheminerons  sur  la  terre,  nous  taschions  a  le  servir,  et  que  nostre  mort  luy  soit  un  sacrifice,  et  une  offrande,  pour  monstrer  que  nous  luy  obeissons  en  tout  et  par  tout?  Et  ainsi  notons  bien  qu'il  ne  nous  faut  point  avoir  une  bouffee:  comme  beaucoup  de  gens  seront  eschauffez  de  servir  a  Dieu,  mais  au  bout  de  trois  iours  on  ne  sait  plus  que  c'est,  qu'ils  changent  propos,  ou  ils  perdent  leur  devotion,  et  monstrent  bien  qu'il  n'y  a  nul  zele  en  eux.  Mais  que  ceci  nous  vienne  tousiours  en  memoire,  de  servir  a  Dieu  tout  le  temps  de  nostre  vie.  Et  cependant  aussi  pensons  a  ce  qui  est  ici  contenu,  quand  Moyse  parle  derechef  de  cest  heritage  qui  estoit  promis  aux  Iuifs.  Car  d'autant  que  nostre  Seigneur  tous  les  iours  nous  admonneste  de  sa  grace:  c'est  bien  raison  aussi  que  nous  prenions  courage  pour  l'honorer,  et  que  nous  cueillions  force  nouvelle,  pour  dire:  Quand  i'auray  auiourd'huy  vescu  au  monde,  et  que  i'auray  servi  a  Dieu  demain,  quand  ie  verray  qu'il  continue  encores  sa  bonte  envers  moy,  voire  et  qu'il  l'augmente,  n'est-ce  pas  raison  que  mon  zele,  et  mon  affection  de  le  servir  s'enflambe  d'avantage,  et  que  mon  esperance  ne  soit  point  amoindrie?  Voila  donc  ce  que  Moyse  a  entendu,  en  disant:  Vous  possederez  la  terre:  cependant  que  vous  la  possederez,  vous  aurez  un  beau  miroir  devant  les  yeux,  pour  vous  monstrer  comme  vostre  Dieu  vous  appelle  a  soy,  et  qu'il  vous  maintient  en  possession  de  ce  benefice  qu'il  vous  a  une  fois  eslargi.  Et  pour  ceste  cause  notons,  que  nous  meritons  bien  d'estre  privez  de  la  grace  que  Dieu  nous  aura  faite,  quand  nous  ne  la  recognoissons  pas  envers  luy:  mais  que  nous  la  mettrons  en  oubli,  et  que  nous  l'appliquerons  a  autre  usage  qu'il  ne  Fa  entendu.  Ii  a  este  dit  ci  dessus  que  les  Iuifs  possederoyent  la  terre,  iusques  a  tant  que  le  ciel  fust  sur  le  monde.  Or  nous  voyons  comme  ils  en  sont  deboutez:  et  mesmes  qu'auiourd'huy  ils  n'ont  pas  un  pied  de  possession  nulle  part,  qu'ils  sont  tous  esgarez,  qu'on  les  dechasse  ca  et  la.  Et  qui  en  est  cause?  Il  est  certain  que  Dieu  les  eust  maintenus  en  c'est  heritage  qu'il  leur  avoit  promis,  sinon  qu'ils  se  fussent  ainsi  destournez  de  luy:  car  ce  n'est  point  sans  cause  que  ceste  terre-la  est  appellee  Le  repos  de  Dieu.  Comme  s'il  estoit  dit,  que  quand  tout  le  reste  du  monde  seroit  esbranle,  que  les  Iuifs  demeureront  la,  et  se  reposeront  en  la  terre  :  que  si  on  leur  fait  la  guerre,  et  qu'on  les  y  moleste,  si  est-ce  que  Dieu  les  y  confermera.  Voire,  mais  ils  ont  rompu  son  alliance.  Auiourd'huy  donc  non  seulement  on  les  voit  bannis  du  repos  qui  leur  estoit  assigne,  mais  de  tout  le  monde:  ils  sont  par  tout  fuitifs.  Et  qui  en  est