21:153  153  VITA  CALVINI.  154  quamvis  aliquot  etiam  primae  nobilitatis  mulieres  in  iis  cernerentur.  Accendebant  Regis  iram  non  modo  qui  illum  circumstabant,  verum  etiam  ipsa  temporum  occasio.  Haec  enim  tum  inciderunt,  quum  insignis  illa  clades  ad  Sanquintinum  esset  accepta:  et  nocte  convenerant  pii,  quod  illis  interdiu  nullo  modo  licebat.  Itaque  vetustae  illae  et  rancidae  calumniae  in  Christianos  olim  excogitatae  tunc  quoque  autore  quodam  *)  Demochare  Sorbonico  doctore,  repositae  sunt,  quasi  videlicet  omnium  malorum  causa  unis  vere  christianis2)  esset  tribuenda.  Subornati  etiam  qui  Xvxvofioixeiav  confirmarent,  quibus  creduli  plerique  assentiebantur.  Producti  sunt  igitur  ad  flammas  ad  septem,  ter  repetito  exemplo:  in  quorum  primo  accensita  est  3)  nobilis  quaedam  mulier,  cuius  demum  ut  et  sex  aliorum  atque  in  his  novissimorum  duorum4)  adolescentum  constantia  plane  fuit  admirabilis.  Verum  partim  detecta  quidem,  sed  minime  tamen  coercita  Sorbonicorum  calumnia,  matre  nempe  captivas  secum  filias,  quae  constupratae  dicebantur,  ad  inspectionem  iudicibus  offerente,  et  optimo  quodam  doctissimoque  viro,  pastorem  aliquot  ante  mensibus  ibi  agente,  egregio  libello  cuncta  illa  mendacia  facile  revincente,  partim  intervenientium  Germanorum  Principum  legatione,  quam  summa  celeritate  Calvinus  procuravit,  tempestas  illa  nonnihil  conquievit.  Annus  hunc  consequutus5)  reipublicae  Genevensi  felix  illuxit  perpetua  inter  Bernenses  et  Genevenses  inita  confoederatione,  contra  exsulum  illorum6)  exspectationem.7)  Sed  hanc  felicitatem  multa  quoque  adversa  aliunde  comitata  sunt8)  praeter  etiam  exsulum  irritos  ultimos  conatus,  de  quibus  plura  dicere  non  constitui.  Nam  foris  quidem  recrudescebat  in  Gallia  persequutio,  domi  vero  ex  Serveti  cineribus,  autore  quodam  Valentino  Gentili  Cosentino,  teterrima  Tritheitarum  haeresis  pullulabat.  Itaque  ut  illis  malis  occurreretur  missi  sunt  ad  Germaniae  Principes  cum  Calvini  literis,  qui  tot  ecclesiarum  calamitatibus  expositis  intercessionem  eorum  postularent,  dum  assiduis  literis  interea  laborantes  Calvinus  confirmabat.  Cum  Gentili  vero  quid  actum  sit,  quis  denique  fuerit  istius  monstri  exitus  paucis  commemorabo.  Exstat  enim  tota  haec  1)  add.  quodam  homine  nec  bono  nec  erudito.  2)  nostris  unis  rece.  3)  singulare  praebuit  christianae  fortitudinis  exemplum  rece.  4)  add.  penitus.  5)  MDLVIII.  6)  add.  perditissimam.  7)  add.  qui  detecta  coniuratione  ex  urbe  elapsi  nihil  non  erant  experti  ut  has  inter  se  civitates  committerent.  8)  Sed  hanc  tranquillitatem  multa  vicissim  adversa  conturbarunt  (rece.)