9:152  profligandos  [pag.  33]  esse  contendit.  Audiri  si  postulent,  negat  eorum  importunitati  morem  esse  gerendum:  quia  plus  satis  iam  convicti  sint.  Nisi  causae  suae  diffideret,  nonne  vel  invitum  cogeret  ad  disceptationem  aliquis  pudor?  Quantumvis  enim  speciosum  esse  praetextum  existimet,  nos  esse  convictos:  miserae  tamen  ac  sordidae  est  timiditatis,  nullam  cognitionem  admittere.  Sed  unde  tandem  convictos  esse  probat?  Multarum,  inquit,  ecclesiarum  consensus  ad  damnationem  sufficere  debet.  Cur  ergo  vicissim  nostrarum  ecclesiarum  iudicio,  a  quibus  damnatur,  non  acquiescit?  nisi  forte  quia  propinquus  est  mari  glaciali,  dum  litus  aspicit,  orbem  terrarum  eodem  spatio  metitur,  ut  ecclesias  omnes,  quaquaversum  dispersae  sunt,  pro  nihilo  ducat.  Discat  ergo,  nisi  velit  ridiculum  se  facere,  locum  aliquem  dare  non  poenitendis  ecclesiis,  quarum  suffragiis  probatur  nostra  doctrina.  Addit  Schmalcaldiae  habitam  fuisse  synodum,  in  [pag.  34]  qua  sumus  damnati.  Quid  Schmalcaldiae  agitatum  fuerit  non  disputo:  neque  etiam  Westphalum  scire  arbitror:  nisi  quod  certum  est,  habitum  illic  fuisse  conventum  a  principibus,  ut  foedus  inter  se  inirent,  nec  aliud  de  religione  interpositum  fuisse  decretum,  nisi  ut  se  obstringerent  ad  mutuam  defensionem  quicunque  tunc  fidem  Augustanae  confessionis  profitebantur.  Interfuerunt  pauci  homines  docti,  e  quorum  numero  unus  erat  Bucerus,  quem  etiam  mortuum  Westphalus  in  partes  nostras  ablegat.  Si  praecipua  in  illis  fuit  autoritas,  ut  praedicat  Westphalus,  certe  qui  noster  fuit  usque  ad  mortem,  censuram  in  nos  non  strinxit.  Superstes  est  Melancthon,  nemini  secundus,  qui  se  tam  gravem  in  nos  tulisse  sententiam  non  fatebitur.  Nec  furioso  suo  tumultu  efficiet  Westphalus,  ut  tam  duriter  ecclesia  Wittebergensis  de  nobis  pronunciet.  Interea  miror  synodum  Marpurgensem  praeteriri,  in  qua  Lutherus  et  pars  adrersa  nostros  [pag.  35]  pro  fratribus  agnoscere  non  dubitarunt,  quum  tamen  nondum  tam  dilucida  et  plena  huius  controversiae  explicatio,  sicuti  hodie,  constaret.  Quum  hoc  noverit  Westphalus,  et  dissimulet,  quid  apud  prudentes  et  sanos  lectores  proficiet,  fictitias  synodos  crepando?  Sed  longe  altius  hominem  praecipitat  desperata  impudentia,  quum  Nicolaum,  et  Gregorium  septimum  patronos  sibi  accersere  non  pudet.  Qua  in  parte  etiamsi  verbum  nullum  fecero,  minime  vereor  quin  detestabilis  bonis  omnibus  futura  sit  caeca  eius  rabies.  Mihi  vero  adeo  molestum  non  est  in  concilio  Romano,  cui  praefuit  Nicolaus  secundus,  et  Vercellensi,  quod  auspiciis  Gregorii  septimi  coactum  est,  damnatam  fuisse  quam  sequor  doctrinam,  ut  mihi  eo  nomine  plurimum  gratuler,  quod  manifestis  Dei  hostibus  et  antichristis  semper  exosam  fuisse  video.  Certe  eorum  approbatio  suspectam  quodammodo  ipsam  mihi  redderet,  [pag.  36]  Cui  vero  horrorem  non  incutiat  prodigi-