55:152  mum  est  quod  observandum  admonet  apostolus  in  persona  Noe.  Moses  refert  illum  fuisse  iustum.  Causam  ac  radicem  huius  iustitiae  fidem  fuisse  quia  ille  historice  non  refert,  ex  re  ipsa  apostolus  testatur.  Quod  non  ideo  tantum  verum  est  quia  nemo  unquam  se  Deo  in  obsequium  sincere  addit,  nisi  qui  paternae  eius  benevolentiae  promissionibus  fretus  acceptam  illi  suam  vitam  fore  confidit:  sed  quia  nullius  quamlibet  sancti  hominis  vita,  quum  ad  Dei  regulam  exigitur,  placere  sine  venia  potest.  Ergo  necesse  est  ut  in  fidem  iustitia  recumbat.  8.  Fide  Abraham,  quum  vocatus  esset,  obedivit  ut  exiret  in  locum  quem  accepturus  erat  in  haereditatem:  et  exivit  nesciens  quo  veniret.  9.  Fide  peregrinatus  est  in  terra  promissa  quasi  aliena:  in  tabernaculis  habitans  cum  Isaac  et  Iacob  cohaeredibus  eiusdem  promissionis.  10.  Exspectabat  enim  civitatem  habentem  fundamenta,  cuius  architectus  et  opifex  est  Deus.  l  l  .  Fide  et  ipsa  Sara  facultatem  ad  conceptionem  seminis  accepit,  et  praeter  tempus  aetatis  peperit:  quia  fidelem  existimavit  eum  qui  promiserat.  12.  Propterea  etiam  ex  uno  geniti  sunt,  et  quidem  emortuo,  multitudine  tanquam  astra  coeli,  et  quasi  arena  quae  est  iuxta  marginem  maris  innumerabUis.  8.  Fide  Abraham.  Iam  ad  ipsum  Abraham  descendit,  qui  praecipuus  est  in  terris  ecclesiae  Dei  pater:  et  cuius  nomine  gloriabantur  Iudaei,  quasi  hoc  solo  titulo  exempti  essent  a  communi  hominum  ordine,  quia  erant  sancta  Abrahae  progenies.  Quid  autem  potissimum  habere  debeant  admonet,  ut  reputentur  inter  Abrahae  filios:  atque  ita  eos  ad  fidem  revocat,  quia  nihil  habuerit  eximium  ipse  Abraham  quod  non  ex  fide  processerit.  Principio  docet,  fidem  fuisse  causam  cur  statim  paruerit  Deo  quum  iussus  esset  ex  patria  migrare:  deinde  eadem  fide  suisse  factum  ut  constanter  in  vocatione  sua  ad  finem  usque  pergeret.  His  duobus  testimoniis  luculente  comprobata  fuit  Abrahae  fides,  obsequendi  promptitudine  et  pergendi  constantia.  Quum  vocatus  esset.  Vetus  interpres  et  Erasmus  ad  nomen  referunt:  quod  nimis  dilutum  est  et  frigidum.  Ego  potius  de  oraculo  interpretor  quo  evocatus  fuit  extra  patriam.  Ita  enim  sibi  voluntarium  exilium  sponte  indixit,  ut  tamen  nihil  fecerit  nisi  Dei  mandato.  Et  certe  hoc  unum  est  ex  fidei  principiis,  ne  pedem  moveamus  nisi  viam  nobis  praemonstret  Dei  verbum,  ac  instar  lucernae  nobis  praeluceat,  quemadmodum  inquit  David  (Psal.  119,  105).  Quare  hoc  observare  discamus  tota  vita,  ne  quid  aggrediamur  nisi  vocante  Deo.  Ut  exiret  in  locum.  Ad  mandatum  accessit  promissio,  quod  terram  illi  daturus  esset  Deus  in  haereditatem.  Hanc  promissionem  extemplo  amplectitur,  nec  aliter  festinat  quam  si  in  possessionem