51:152  primitiae:  deinde  ad  Ephesios  descendit.  Hoc  porro  ad  ipsorum  confirmationem  non  parum  facit  (de  Ephesiis  loquor)  quod  eos  sibi  et  reliquis  fidelibus  accenset,  qui  erant  tanquam  primogeniti  in  ecclesia:  ac  si  diceret:  Eadem  est  piorum  omnium  conditio  cum  vestra.  Nos  enim,  quos  primo  loco  vocavit  Deus,  acceptum  hoc  ferimus  aeternae  eius  electioni.  Ita  omnes  a  primo  {ut  loquuntur)  ad  ultimum  mera  gratia  salutem  adeptos  docet:  quia  gratis  secundum  aeternam  electionem  adoptati  fuerint.  Qui  omnia  efficit.  Notanda  est  periphrasis,  qua  describit  Deum  omnia  solum  ita  agentem  suopte  consilio,  ut  nihil  homini  relinquat.  Nulla  igitur  ex  parte  homines  admittit  in  huius  laudis  societatem,  quasi  aliquid  de  suo  adferrent.  Nihil  enim  extra  se  respicit  Deus,  quo  flectatur  ad  nos  eligendos:  quandoquidem  solum  illi  propriae  voluntatis  decretum  causa  est  eligendi,  et  quidem  intrinseca,  ut  vocant:  quo  refellitur  eorum  error,  imo  vaesania,  qui  nisi  rationem  perspiciant  in  Dei  operibus  eius  consilio  obstrepere  non  desinunt.  Finem  iterum  repetit,  ut  simus  in  laudem,  ete.  Quia  tunc  demum  illustratur  in  nobis  Dei  gloria,  si  nihil  simus  quam  vasa  eius  misericordiae.  Ac  nomen  gloriae  xax'  ��?��X*]V,  peculiariter  eam  significat,  quae  elucet  in  Dei  bonitate.  Nihil  enim  magis  est  illi  proprium  in  quo  glorificari  velit  quam  bonitas.  13.  In  quo  vos  etiam,  audito  sermone  veritatis,  evangelio  salutis  vestrae:  in  quo  etiam  postquam  credidistis,  obsignati  estis  spiritu  promissionis  sancto.  14.  Qui  est  arrhabo  haereditatis  nostrae,  in  redemptionem  acquisitae  possessionis,  in  laudem  gloriae  eius.  Hic  socios  sibi  et  reliquis,  qui  veluti  primitiae  erant,  Ephesios  adiungit.  Nam  similiter  eos  in  Christo  sperasse  dicit.  Huc  autem  spectat,  ut  ostendat  eandem  esse  utrisque  fidem.  Ideo  repetendum  est  verbum  sperastis.  Postea  subiicit  quomodo  ad  spem  illam  adducti  fuerint,  nempe  per  evangelii  praedicationem.  Duplici  autem  epitheto  evangelium  ornat,  quod  sit  sermo  veritatis,  et  quod  Ephesiis  fuerit  salutis  instrumentum.  Haec  duo  epitheta  diligenter  observanda  sunt.  Nam  quum  nihil  magis  moliatur  Satan,  quam  ut  vel  contemptu  evangelii,  vel  dubitatione  mentes  nostras  imbuat:  duobus  clypeis  nos  hic  Paulus  munit,  quibus  utramque  tentationem  propulsemus.  Ergo  adversus  omnes  dubitationes  discamus  hoc  testimonium  opponere,  evangelium  non  modo  certam  esse  veritatem,  quae  fallere  nequit:  sed  xax'  eCoxV  vocari  sermonem  v  e  r  i  t  a  t  i  s  ,  quasi  extra  ipsum  nulla  esset  proprie  veritas.  Deinde  ne  quo  unquam  vel  contemptu  vel  taedio  sollicitentur,  occurrat  quae  sit  eius  vis  et  effectus,  hoc  est,  quod  salutem  nobis  afferrat.  Quemadmodum  alibi  (Rom.  1,  16)  docet,  esse  Dei  poten-