50:152  de  se  tacet,  ad  reputanda  Dei  beneficia,  quibus  ornati  erant  j  eos  revocans  :  imo  eorum  salutem  in  locum  suae  autoritatis  substituens.  7.  Opto  autem  apud  Deum.  Rursus  testatur  se  proprium  honorem  nihil  morari:  sed  ipsorum  tantum  utilitati  velle  consulere.  Nihil  enim  minus  illis  expediebat  quam  doctrinae  eius  fructu  privari:  quod  superbia  sua  et  contemptu  facere  coeperant.  De  me,  inquit,  aut  de  mea  inter  homines  existimatione  non  sum  sollicitus  :  sed  tantum  timeo  ne  Deum  offendatis:  quin  etiam,  paratus  sum  esse  tanquam  reprobus,  modo  vos  careatis  omni  culpa.  Reprobus,  inquam,  hominum  iudicio,  qui  persaepe  reiiciunt  qui  digni  erant  praecipuo  honore.  Quamquam  etiam  particula  veluti  minime  supervacua  est.  Hoc  enim  est  quod  alibi  dicit:  tanquam  impostores,  et  tamen  veraces.  Atque  haec  sane  vera  est  regula,  ut  pastor,  posthabita  sui  ratione,  in  solam  ecclesiae  aedificationem  sit  intentus.  Famam  curet,  quatenus  publicae  utilitatis  interesse  viderit:  negligere  paratus  sit,  quoties  licuerit  absque  publico  incommodo.  8.  Non  enim  possumus.  Hoc  est,  non  aliam  quaero  potestatem,  neque  appeto,  quam  quae  mihi  a  Domino  collata  est,  ut  serviam  veritati;  pseudoapostolis  perinde  est,  modo  possint.  Neque  illis  curae  est,  sua  potestate  uti  in  bonum.  In  summa,  honorem  sui  ministerii  tuetur  ac  vendicat,  quatenus  coniunctus  est  cum  Dei  veritate.  Ac  si  diceret:  Quid  ad  me?  nisi  enim  mihi  hoc  sit  propositum,  servire  veritati,  falsa  erit  et  iniusta  omnis  potestas  quam  usurpavero.  Si  autem  quidquid  valeo,  id  confero  ad  promovendam  veritatem:  iam  non  ago  proprium  meum  negotium  :  salva  autem  doctrinae  autoritate,  veritate  illaesa,  habeo  quod  volo.  Quod  igitur  tantopere  contendo,  huc  privato  personae  meae  studio  non  impellor.  Caeterum  hac  ratione  innuit,  eum,  qui  pro  sola  veritate  pugnat  ac  laborat,  si  ita  opus  sit,  non  aegre  passurum  ut  tanquam  reprobus  habeatur  hominum  opinione,  modo  ne  quid  obsit  Dei  gloriae,  ecclesiae  aedificationi  et  sanae  doctrinae  autoritati.  Locus  hic  diligenter  est  observandus,  propterea  quod  potestatem,  quam  habere  debent  ecclesiae  pastores,  suis  finibus  terminat:  nempe  ut  sint  ministri  veritatis.  Clamant  papistae  dictum  esse,  qui  vos  audit,  me  audit:  qui  vos  spernit,  me  spernit  (Luc.  10,  16).  Item,  obedite  praepositis  vestris  (Heb.  13,  17).  Atque  hoc  praetextu  nihil  non  licentiae  sibi  sumunt  ad  infinitam  dominationem  usurpandam:  quum  tamen  veritatis  professi  sint  et  iurati  hostes,  eiusque  destructionem  totis  viribus  moliantur.  Ad  tantam  impudentiam  refellendam  sufficiet  una  haec  Pauli  sententia,  quae  pronuntiat,  veritati  subesse  ipsos  oportere.  9.  Gaudemus  enim,  ete.  Aut  particula  causalis  yap  loco  illativae  accipi  debet,  aut  secunda  est  ratio  cur  non  recuset  haberi  veluti  reprobus,  in  eorum