6:151  LE  CATECHISME  DE  GENEVE.  152  apres,  que  Iesus  Christ  son  Fils  est  descendu  en  ce  monde  y  et  qu'il  a  fait  tout  ce  qui  estoit  requis  pour  nostre  salut:  et  puis  qu'il  viendra  derechef  du  ciel  en  iugement,  ou  il  est  remonte,  estant  assis  a  la  dextre  du  Pere:  c'est  a  dire  qu'il  a  toute  puissance  au  ciel  et  en  la  terre.  Item,  que  le  sainct  Esprit  est  vray  Dieu:  car  il  est  la  vertu  et  puissance  de  Dieu,  et  imprime  en  nos  coeurs  les  promesses  qui  nous  sont  DEMANDE.  Faut-il  qu'il  viene  du  ciel?  EESPONSE.  Non,  mais  il  nous  attire  a  soy,  et  faut  que  le  considerions  et  croyons  estre  a  la  gloire  et  dextre  de  Dieu  son  Pere,  et  neantmoins  sans  descendre  de  la  il  se  communique  a  nous,  quand  il  nous  fait  participans  du  merite  et  vertu  de  son  corps  et  de  son  sang.  Et  c'est  manger  son  corps  et  boire  son  sang.  DEMANDE.  Serez-vous  sauve?  RESPONSE.  Ouy.  DEMANDE.  En  estes-vous  asseure?  EESPONSE.  Ouy.  DEMANDE.  Comment?  N'estes-vous  pas  pecheur?  EESPONSE.  Si  suis.  DEMANDE.  Et  Dieu  condamne  les  pecheurs  et  les  hait.  EESPONSE.  11  est  vray.  DEMANDE.  Comment  est-ce  donc  que  vous  serez  sauve?  RESPONSE.  Par  foy.  DEMANDE.  Comment  se  fait  cela?  RESPONSE.  Pource  que  l'embrasse  par  foy  Iesus  Christ,  et  en  l'embrassant  i'ay  tout  avec  luy,  et  suis  asseure  qu'en  faveur  de  luy,  le  Pere  nous  aime  et  nous  fait  misericorde,  combien  que  nous  soyons  pecheurs.  DEMANDE.  Sommes-nous  sauvez  par  nos  oeuvres?  RESPONSE.  Non.  DEMANDE.  Il  n'en  faut  donc  point  faire?  RESPONSE.  Si  fait.  DEMANDE.  Et  pourquoy?  RESPONSE.  Dieu  le  commande,  et  devons  faire  bonnes  oeuvres,  sans  regarder  ce  qui  en  viendra.  DEMANDE.  Les  bonnes  oeuvres  ne  sont-elles  faites  pour  autre  raison  et  fin?  RESPONSE.  Si  sont,  a  scavoir  a  fin  que  Dieu  soit  glorifie,  et  pour  donner  tesmoignage  de  nostre  bonne  foy,  et  que  nous  sommes  enfans  de  Dieu:  et  c'est  pour  ces  choses  que  nous  faisons  les  bonnes  oeuvres,  non  pour  meriter,  ni  pour  en  attendre  recompense.  DEMANDE.  La  Cene  demonstre  -  elle  que  nous  sommes  sauvez  par  misericorde,  et  non  par  merites  et  bonnes  oeuvres?  RESPONSE.  Ouy,  d'autant  que  le  Pere  a  donne  son  Fils  gratuitement,  et  le  Fils  s'est  offert  volontiers  et  librement.  Parquoy  ne  faut  considerer  autres  merites  que  de  Iesus  Christ,  et  le  fruict  et  vertu  de  son-  corps  et  de  son  sang.  DEMANDE.  Tous  ceux  qui  vienent  a  la  Cene,  recoyvent-ils  le  corps  de  Iesus  Christ?  RESPONSE.  Non.  DEMANDE.  Quels  donc?  RESPONSE.  Les  seuls  fideles.  DEMANDE.  Qui  sont  donc  ceux  qui  n'y  participent  point?  RESPONSE.  Les  larrons,  paillars,  et  tels  autres  semblables.  DEMANDE.  Quel  est  le  moyen  d'y  participer?  RESPONSE.  La  foy.  DEMANDE.  Voire,  mais  les  larrons  et  les  paillars  disent  qu'ils  ont  la  foy.  RESPONSE.  Il  est  vray,  mais  ils  ne  l'ont  pas  vrayement.  DEMANDE.  Comment  pouvons-nous  cognoistre  qu'ils  ne  l'ont  -point?  RESPONSE.  Pour  ce  qu'ils  n'ont  point  de  repentance.  DEMANDE.  Comment  se  cognoist-il  qu'ils  n'ont  point  de  repentance?  RESPONSE.  D'autant  qu'ils  n'aiment  point  leurs  prochains.  DEMANDE.  Et  qui  est  nostre  prochain?  RESPONSE.  Tout  homme  du  monde.  DEMANDE.  Les  Turcs,  les  Iuifs,  les  infideles  et  heretiques,  sont-ils  aussi  bien  nos  prochains?  RESPONSE.  Ouy,  d'autant  que  tous  sont  creez  et  entretenus  d'un  mesme  Pere,  qui  est  nostre  Dieu  tout-puissant,  Createur  du  ciel  et  de  ia  terre.  DEMANDE.  Les  infideles  et  les  heretiques,  et  autres  semblables  a  telles  gens,  doyvent  donc  estre  aymez  de  nous?  RESPONSE.  Vray  est,  quant  a  leurs  vices,  ils  sont  dignes  d'estre  hays  :  mais  quant  a  leurs  personnes,  nous  leur  devons  souhaiter  tout  bien,  et  c'est  d'autant  qu'ils  sont  creez  de  Dieu  comme  nous,  pour  laquelle  cause  ils  sont  nos  prochains,  et  ainsi  il  les  nous  faut  aimer.