55:151  151  EPIST.  AD  HEBRAEOS  152  obsignatae  ac  ratae  sunt  omnes  salutis  promissiones.  Neque  tamen  id  obstat  quominus  fides  Deum  respiciat,  ac  reverenter  excipiat  quidquid  ipse  loquitur.  Aut  si  brevius  habere  mavis,  proprium  fidei  est  loquentem  audire  Deum,  et  quidquid  ex  sacro  eius  ore  prodit,  sine  dubitatione  amplecti.  Ita  fides  praeceptis  ac  minis,  non  secus  ac  gratuitis  promissionibus,  subiicitur.  Sed  quia  nemo  unquam  ut  decet,  ac  quantum  satis  est,  Dei  praeceptis  ad  parendum  afficitur,  nec  minis  commovetur  ad  deprecandam  eius  iram,  nisi  qui  gratiae  promissiones  iam  apprehendit,  ut  illum  benevolum  patrem  agnoscat  salutisque  autorem:  ideo  a  praecipua  parte  evangelium  per  synecdochen  vocatur  verbum  fidei:  et  relatio  inter  hanc  et  illud  mutua  statuitur.  Fides  tamen  utcunque  recta  in  Dei  promissiones  se  conferat,  ad  minas  nihil  omnius  intenta  est  quatenus  nos  ad  Dei  timorem  ac  obsequium  erudiri  necesse  est.  Apparavit  arcam.  Hic  obedientia  notatur  quae  ex  fide  manavit,  tanquam  ex  fonte  aqua.  Longum  erat  et  laboriosum  opus  structura  arcae:  quotidianis  impiorum  ludibriis  impediri,  adeoque  millies  abrumpi  poterat:  nec  dubium  quin  undique  sancto  viro  insultaverint.  Quod  ergo  protervos  eorum  insultus  infracto  animo  sustinuit,  in  eo  prodidit  non  vulgare  obsequendi  studium.  Sed  unde  id  quod  tam  constanter  obedivit  Deo,  nisi  quod  in  promissione,  quae  spem  illi  salutis  dabat,  prius  acquievit,  et  in  hac  fiducia  perstitit  usque  ad  extremum?  Neque  enim  ad  subeundas  sponte  tot  molestias  fuisset  animatus,  nec  tot  obstaculis  vincendis  par  fuisset,  nec  tamdiu  firmus  stetisset  in  suo  instituto,  nisi  praeunte  fiducia.  Sola  igitur  fides  obedientiae  magistra  est.  Unde  exadverso  colligere  licet,  incredulitatem  nobis  obstare  quominus  Deo  pareamus.  Atque  hodie  horrendum  in  modum  hac  in  parte  se  prodit  mundi  incredulitas,  quod  tam  pauci  Deo  sint  obsequentes.  Per  quam  damnavit  mundum.  Durum  esset  ad  Noe  salutem  referre  quod  mundum  damnaverit:  de  fide  intelligi  contextus  vix  patitur.  Ergo  de  arca  intelligamus.  Duplici  autem  nomine  dicitur  mundum  per  arcam  damnasse.  Nam  quod  in  ea  construenda  tamdiu  occupatus  fuit,  id  excusationem  reprobis  abstulit:  et  eventus,  qui  sequutus  est,  iustum  mundi  exitium  comprobavit.  Cur  enim  arca  salutis  custodia  fuit  uni  familiae,  nisi  quod  viro  iusto  parcit  ira  Domini,  ne  una  cum  impiis  pereat?  Ergo  nisi  reliquus  super  f  uisse  t,  non  tam  conspicua  esset  mundi  damnatio.  Quod  ergo  Dei  mandato  obtemperat  Noe,  mundi  contumaciam  suo  exemplo  damnat:  quod  mirabiliter  eripitur  ex  media  morte,  id  documento  est,  iuste  perire  totum  mundum,  quem  proculdubio  servaret  Deus,  nisi  indignus  esset  salute.  Quae  secundum  fidem  est,  iustitiae.  Hoc  ulti-