50:151  151  EPIST.  PAULI  AD  CORINTHIOS  II  152  suo  ministerio.  Huius  enim  rei  facit  ipsos  iudices,  modo  in  se  descendant  atque  agnoscant,  quid  ab  ipso  acceperint.  Primum,  quum  unus  sit  Christus,  necesse  est  ut  in  ministro  et  populo  idem  habitet.  In  populo  vero  habitans,  quomodo  se  ipsum  in  ministro  abnegabit?  deinde  ita  vim  suam  exseruerat  in  Pauli  praedicatione,  ut  Corinthiis  dubia  aut  obscura  esse  non  posset,  nisi  prorsus  stupidi  essent.  Unde  enim  fidem  habebant?  unde  Christum?  unde  omnia  denique?  merito  itaque  revocantur  ad  se  ipsos,  ut  ibi  reperiant  quod  tanquam  ignotum  contemnunt.  Haec  demum  vera  est  ac  bene  fundata  ministri  fiducia,  ad  doctrinae  suae  approbationem  conscientias  eorum  citare,  quos  docuit:  ut  si  quid  habent  Christi  et  sincerae  pietatis,  cogantur  eius  fidem  agnoscere.  Tenemus  iam  quorsum  spectet  apostolus.  Caeterum  hic  locus  singulari  observatione  dignus  est,  propter  duas  causas.  Primum  enim  ostendit  relationem,  quae  est  inter  fidem  populi  et  ministri  praedicationem:  nempe  quod  haec  sit  mater,  quae  generat  et  parit:  illa  sit  filia,  quae  originem  suam  non  debet  oblivisci.  Secundo,  valet  ad  probandam  fidei  certitudinem,  quam  nobis  Sorbonici  sophistae  labefactarunt,  imo  penitus  exterminarunt  ex  hominum  animis.  Temeritatis  damnant  quotquot  persuasi  sunt  se  esse  Christi  membra  et  illum  habere  in  se  manentem.  Nam  morali  quam  vocant  coniectura,  hoc  est,  sola  opinione  contentos  esse  nos  iubent,  ut  conscientiae  perpetuo  suspensae  haereant  ac  perplexae.  Quid  autem  hic  Paulus?  reprobos  esse  testatur  quicunque  dubitant  an  possideant  Christum  et  sint  ex  illius  corpore.  Quare  sit  nobis  haec  sola  recta  fides,  quae  facit  ut  tuto,  neque  dubia  opinione,  sed  stabili  constantique  certitudine  in  gratia  Dei  acquiescamus.  Nisi  sicubi  reprobi  estis.  Defert  illis  quodammodo  optionem:  malintne  reprobi  esse  quam  debitum  reddere  suo  ministerio  testimonium.  Nihil  enim  medium  relinquit  quin  aut  apostolatum  suum  revereantur,  aut  se  reprobos  esse  concedant.  Quandoquidem  ip  eius  doctrina  fundata  erat  eorum  fides:  neque  alium  habebant  Christum  quam  ab  ipso  acceperant:  neque  aliud  evangelium  quam  quod  eo  tradente  erant  amplexi,  ut  frustra  ullam  salutis  suae  partem  separare  ab  illius  laude  tentarent  6.  Spero  vos  cognituros.  Vehementius  etiamnum  ipsos  urget,  quum  fiduciam  hanc  praesumit,  se  non  reprobatum  iri  a  Corinthiis.  Alterutrum  erat  necesse,  vel  ut  Paulo  deferrent  apostoli  honorem,  vel  ut  se  ipsos  damnarent  infidelitatis  ac  faterentur  nullam  se  habere  ecclesiam.  Mitigat  tamen  rigorem,  quum  utitur  verbo  sperandi  :  sed  ita  ut  eos  officii  sui  melius  admoneat:  nam  spem  de  aequitate  nostra  conceptam  frustrari,  nimis  inhumanum  est.  Spero  inquit,  vos  cognituros  :  ubi  scilicet  ad  sanam  mentem  redieritis.  Prudenter  autem  in  hoc  secundo  membro