42:151  151  SERMON  XLVI.  152  sinon  ce  qu'il  ha  monstre  en  luy,  or  cependant  nous  voions  que  les  hommes  vaguent,  qu'ils  ont  des  speculations  estranges,  cela  ameine  les  erreurs,  les  superstitions  et  heresies.  Ainsi  donc  nous  voions  comme  cette  doctrine  se  peut  pratiquer,  et  d'autant  plus  la  devons  nous  bien  observer,  puis  que  nous  connoissons  qu'elle  nous  est  tant  utile,  voire  necessaire:  voila  donc  quant  a  ce  point.  Or  il  reste  de  voir  la  question  que  font  ici  les  anges,  iusques  a  quand  seront  ces  choses?  C'est  suivant  le  propos  que  i'ai  desia  touche,  c'est  a  scavoir  que  les  anges  estans  membres  de  l'Eglise,  ils  ont  le  8oing  du  salut  de  tous  fideles,  car  aussi  ils  sont  ordonnes  a  cela  et  ils  s'acquitent  fidelement  de  leur  office,  car  il  n'y  ha  qu'obeissance  en  eux,  ils  ne  demandent  sinon  de  servir  a  Dieu,  comme  aussi  ce  titre  leur  est  attribue  au  Pseaume  104  et  cela  nous  apporte  grand  consolation,  quand  nous  voions  que  les  vertus  et  les  puissances  de  Dieu  s'appliquent  tous  a  nostre  usage  et  a  nostre  profit,  voila  Dieu  qui  use  des  anges,  comme  de  ses  mains  par  maniere  de  dire,  or  cependant  a  quoy  est-ce  qu'il  les  emploie?  quelle  commission  leur  donne  il?  il  les  constitue  pour  avoir  le  soing  de  nous,  et  pour  procurer  nostre  salut,  pourrions  nous  avoir  un  tesmoignage  plus  certain  de  la  bonte  paternelle,  de  nostre  Dieu  que  cettui  la?  retenons  bien  donc  que  les  anges  demandent  iusques  a  quand  seront  ces  choses,  qu'en  cela  ils  nous  monstrent  le  soing  qu'ils  ont  de  nostre  salut.  Or  venons  a  la  responce  qui  est  faitte  de  l'homme  qui  estoit  vestu  de  linge,  voire  cet  homme  qui  est  apparu  a  Daniel,  en  telle  gloire  et  maieste  que  nous  avons  veu  par  ci  devant,  il  ha  leve  ses  deux  mains  au  ciel,  et  a  iure  par  celuy  qui  vit  eternellement,  que  ce  sera  pour  un  temps,  pour  deux  temps,  et  pour  la  moitie  d'un  temps.  Or  en  ceci  nostre  Seigneur  ha  voulu  signifier  que  les  afflictions  de  l'Eglise  ne  passeront  point  si  tost,  mais  qu'elles  seroient  de  longue  duree,  pourquoy  donc  est-ce  que  ceci  ha  este  adiouste?  a  fin  que  les  fideles  se  disposassent  a  estre  patiens  en  toutes  les  persecutions  de  son  Eglise:  voila  en  somme  ce  qui  est  ici  monstre.  Or  nous  voions  de  nostre  nature  que  nous  sommes  tant  impatiens  que  merveilles,  et  encores  que  nous  aions  quelque  affection  d'obeir  a  Dieu,  si  est-ce  toutesiois  qu'il  y  ha  une  telle  fragilite  en  nous  que  nous  defaillons  bien  tost,  et  du  iour  au  l'endemain  nous  sommes  abatus,  voire  a  chacune  minute  de  temps.  Il  est  donc  bon  besoin  que  nous  soions  confermes  a  patience,  et  quand  nous  aurons  endure  un  iour,  que  nous  continuons  l'autre,  et  qui  est-ce  qui  nous  pourra  donner  une  telle  constance  et  une  telle  fermete  ?  quand  nous  connoistrons  la  volonte  de  Dieu,  et  en  la  connoissant  que  nous  apprendrons  de  nous  y  renger,  ceux  qui  veulent  acourcir  leurs  afflictions,