27:151  151  SERMON  LXXX.  152  de  Dieu,  les  autres  se  sont  destournez  apres  leurs  folles  inventions:  mais  il  ne  faut  point  regarder  au  monde,  qu'il  nous  suffise  que  Dieu  de  tout  temps  a  eu  son  Eglise,  a  laquelle  il  nous  faut  estre  conioints  et  unis.  Car  combien  que  l'Eglise  ait  este  mesprisee  du  monde:  si  est-ce  qu'elle  a  tousiours  este  precieuse  devant  Dieu.  Et  auiourd'huy  nous  voyons  encores  le  semblable.  Il  est  vray  que  la  plus  part  de  ceux  qui  se  vanteront  estre  fideles,  seront  eslourdis  en  mensonges,  erreurs,  et  abus.  Or  il  nous  les  faut  la  laisser.  Cependant  venonsnous  ranger  a  la  verite  que  Dieu  a  declairee:  et  que  nous  ayons  une  foy,  et  ,un  accord  avec  les  fideles  qui  se  contentent  de  suyvre  ce  que  Dieu  leur  a  monstre.  Voila  donc  comme  il  nous  faut  prattiquer  ce  passage,  ou  il  est  parle  du  Dieu  des  peres:  c'est  assavoir,  qu'il  ne  suffiroit  point  d'avoir  quelque  anciennete  :  comme  les  Papistes  alleguent  :  II  y  a  long  temps  que  nous  sommes  en  possession  :  mais  il  faut  qu'on  soit  bien  fonde  en  certitude,  qu'on  cognoisse  que  le  Dieu  qu'on  adore  n'est  pas  une  idole.  Quand  on  aura  cogneu  cela,  qu'alors  on  vienne  a  ce  consentement  et  accord  de  la  foy,  comme  nous  avons  nostre  creance,  par  laquelle  nous  confessons  qu'il  y  a  un  Dieu  tout-puissant  qui  est  Pere  de  nostre  Seigneur  Iesus  Christ,  et  par  une  mesme  raison  qu'il  est  aussi  le  nostre,  qu'il  est  le  Redempteur  qui  nous  est  apparu,  que  nous  sommes  sanctifiez  par  le  sainct  Esprit,  que  nous  pouvons  aussi  rendre  tesmoignage  a  la  maieste  de  nostre  Dieu,  voire,  selon  qu'il  s'est  declaire  a  nous  par  l'Escriture  saincte:  alors  adioustons,  que  nous  croyons  la  saincte  Eglise  catholique,  et  qu'il  y  a  communion  des  saincts,  qu'il  n'y  a  qu'un  corps.  Mais  ii  faut  que  Dieu  se  soit  declaire  envers  nous  puissant,  que  c'est  celuy  qui  a  cree  le  ciel  et  la  terre:  que  c'est  celuy  duquel  il  nous  faut  esperer  salut:  c'est  celuy  qui  est  pour  maintenir  sa  gloire,  tellement  que  tous  ce  que  les  hommes  ont  invente  en  leur  cerveau,  se  trouvera  mensonge.  Voila  par  quel  bout  il  nous  faut  commencer.  Et  puis  que  nous  accordions  avec  les  saincts  Patriarches,  avec  les  Apostres,  avec  tous  fideles  qui  ont  vescu  des  le  commencement  du  monde,  que  nous  ayons  ce  lien  indissoluble  de  la  foy:  mais  que  tous  viennent  la,  c'est  qu'ils  soyent  fondez  en  une  verite  certaine,  et  infallible.  Comme  pour  exemple:  Les  Iuifs  qui  ont  succede,  ont  bien  eu  leurs  peres  aussi  dont  ils  faisoyent  bouclier:  mais  Dieu  a  reiette  tout  cela:  comme  il  est  dit  par  le  Prophete  Ezechiel:  Ne  cheminez  point  selon  les  iustices  de  vos  peres.  De  prime  face  il  pourroit  sembler  qu'il  y  eust  ici  quelque  repugnance:  car  en  ce  lieu  il  est  dit:  Adorez  le  Dieu  de  vos  peres,  tenez-vous  a  luy,  gardez  de  changer  la  religion.  Voila  le  Prophete  Ezechiel  qui  dit  a  l'opposite: