21:151  151  THEODORI  BEZAE  152  paulo  ante  allato  quatuor  Helveticarum  civitatum  responso  (quarum  sententiam  diximus  ad  annum  superiorem  visum  senatui  fuisse  super  ecclesiastica  Genevensi  disciplina  percontari)  vetera  omnia  ecclesiasticae  politiae  edicta  contra  factiosorum  exspectationem  communibus  civium  suffragiis  rogata  perlataque  fuissent  Non  defuit  tamen,  in  quo  tum  quoque  Calvinus  strenue  exerceretur.  Nam  foris  quidem  tum  de  Polonicis  ecclesiis  voluntate  regis  constituendis,  tum  de  furiosa  illa  tempestate  commutatis  in  Anglia  rebus  excitata,  quae  tres  illos  incomparabilis  pietatis  episcopos  et  martyres,  Ioannem  Hopperum,  Nicolaum  Ridlaeum  et  Hugonem  Latimerum  inter  tot  alios  fere  innumerabiles,  ac  tandem  etiam  magnum  illum  Cranmerum  Cantuariensem  archiepiscopum  in  coelum  usque  expulit,  consolandis  denique  fratribus  in  Gallia  vinctis,  ac  praesertim  quinque  fortissimis  martyribus  hoc  ipso  anno  Cameraci  *)  crudelissime  crematis  plurimum  laboravit.  Domi  vero  Serveti  cineres  pullulare  coeperunt:  cuius  blasphemiis  favere  deprehensus  Matthaeus  Gribaldus,  non  incelebris  iurisconsultus,  quum  Genevam  forte  venisset  (erat  enim  Fargiarum  dominus,  qui  pagus  est  in  Genevae  vicinia)  deductus  ad  Calvinum  a  quibusdam  Italis,  apud  quos  ille  Patavii  docuerat,  recusante  Calvino  dextram  illi  porrigere,  nisi  prius  de  primario  christianae  fidei  articulo,  id  est  de  sacra  triade  et  deitate  Christi  inter  eos  conveniret,  nullum  postea  locum  ullis  admonitionibus  vel  argumentis  reliquit.  Itaque,  quod  ei  iam  tum  praedixit  Calvinus,  grave  nimirum  Dei  iudicium  pertinaci  ipsius  impietati  imminere,  hoc  re  ipsa  postea  expertus  est:  Tubinga  primum  profugus,  quo  fuerat  Vergerii  favore  introductus,  Bernae  postea  captus  simulataque  abnegatione  liberatus,  ad  ingenium  postea  rediens  Gentilis,  de  quo  mox  dicemus,  fautor  et  hospes,  superveniente  demum  peste  correptus  paratum  sibi2)  supplicium  praevenit.3)  Aliud  denique  Calvinum  huius  anni  solidum  gaudium  gaudere  prohibuit.  Paucorum  videlicet  vicinorum  pastorum  factio,  qui  sponte  alioqui  currentes,  Bolseco  praeterea  instigante,  ut  sibi  nomen  aliquod  ex  tanti  viri  reprehensione  quaererent,  homines  alioqui  multis  iam  notis  aspersi  non  aliter  in  eum  debacchabantur,  quam  si  Deum  idcirco  faceret  malorum  autorem  quod  ab  [C  4]  aeterna  Dei  providentia  et  ordinatione  nihil  excluderet.  His  calumniis,  de  quibus  antea  nos  quoque  aliquid  diximus,  etsi  nihil  ille  movebatur,  tandem  tamen  illorum  maledicentia  coactus  impetravit  a  senatu,  ut  una  cum  1)  Chambery,  non  Cambrai,  quod  NicMius  adscripsit  2)  add.  rece.  in  terris.  3)  antevertit  eaedem.