9:150  tineat,  breviter  notare  operae  pretium  erit:  non  ut  totam  eius  loquacitatem  evolvam,  sed  ut  hominis  ingenium,  quod  facile  [pag.  27]  erit,  ex  paucis  capitibus  aestiment  lectores.  Initio  contendit  sectarios  et  haereticos,  ne  serpat  contagio,  vel  exsilio  arcendos,  vel  poenis  castigandos  esse.  Frivola  prorsus  actio,  quae  rem  minime  dubiam  lite  et  controversia  implicat.  Nam  quum  ea  de  re  inter  nos  conveniat,  tantum  nobis  subscribere  debuit.  Honestius  certe  citasset  nostros  libros,  ex  quibus  mendicat  quidquid  adducit  rationum,  quam  nobis  se  bellum  inferre  simulans,  armis  nostris  pugnat.  Atque  hoc  modo  non  prodidisset  turpe  socordiae  exemplum,  quod  notare  me  cogit  hominis  importunitas.  Quia  Psalmo  vigesimo  quarto  male  vertit  interpres  vulgaris:  Attollite  portas  principes  vestras,  ubi  legendum  erat:  Attollite  portae  capita  vestra,  homo  quidam  doctus  et  de  ecclesia  bene  meritus,  ut  fieri  solet,  memoriae  lapsu,  alicubi  hortari  volens  principes  ad  tuendam  pietatem  hoc  testimonio  abusus  [pag.  28]  fuerat.  Error  tolerabilis.  Westphalus  ad  verbum  recitans:  Aperite  portae  capita  vestra:  l)  magistratibus  praescribi  dicit,  ut  portas  Domino  aperientes  pseudoprophetis  eas  claudant.  Hinc  colligant  lectores,  qualis  in  tractanda  scriptura  vigeat  religio  apud  istos  homines  qui  tam  impure  et  audacter  eam  dilacerant.  Interea  bonum  virum  non  puduit,  dum  me  invidia  gravare  vult,  confessionum,  ut  ipse  vocat,  farragini  inserere  Servetici  cuiusdam  epistolam,  ubi  incendiarius  appellor,  quia  docuerim  iure  de  haereticis  poenas  sumi.  2)  Legatur  epistola  :  nihil  in  me  aliud  probri  continet,  nisi  quod  gladio  armatos  esse  principes  trado,  ut  non  minus  impietatis  quam  aliorum  scelerum  sint  vindices.  Hoc  tantum  inter  me  et  Westphalum  interest,  quod  ego,  nisi  causa  probe  discussa,  locum  severitati  nullum  esse  dico.  Imo  quia  papistis  hodie  usitatum  est,  causa  incognita  passim  contra  innoxios  saevire,  et  secundum  Westphali  [pag.  29]  consilium  minas  armaque  arripere  loco  styli:  ego  in  illam  barbariem  merito  invectus,  hanc  saltem  aequitatem  iudicibus  commendo,  ne  unquam  nisi  causa  probe  discussa,  ad  severitatem  prosiliant,  seduloque  cavendum  esse  moneo,  si  nimium  sint  creduli,  ne  manus  suas  inquinent  promiscua  caede.  Defleo  illic,  ac  conqueror,  eo  servitutis  redactum  esse  orbem,  ut  nec  ulla  disceptatio  locum  habeat,  nec  qui  praesulum  nomine  dominantur,  vocem  suis  placitis  dissonam  admittant:  imo  ne  dubitare  quidem,  vel  inquirere  permittant.  Barbariem  non  ferendam  esse  dico,  ubi  nulla  viget  cognitio,  possessionem  nec  iure  nec  ratione  munitam  gladio  1)  Westphali  Collectanea  ex  Augustino  A.  2  ver  so.  2)  Alludere  videtur  ad  ultimam  epistolam  Farragini  confessionum  saxonicarum  a  WestpKalo  subiectam  (T.  4  verso),  quae  est  Anonymi  cuiusdam  et  scripta  dicitur  ex  :  la  Babylone.  10*