7:150  pure  ignorance  et  simplicite:  mais  encor  il  n'y  a  point  de  doute,  que  ceux  qui  sont  telz,  nostre  Seigneur  ne  les  laisse  ainsi  tomber,  a  fin  de  les  humilier  pour  l'advenir  et  les  induire  a  mieux  profiter,  a  fin  d'avoir  un  fondement  plus  ferme  et  plus  solide  en  sa  parolle,  corrigeant  leur  nonchalance  ou  presumption  pour  le  passe.  Tellement  que  nul  ne  se  peut  excuser,  quand  il  est  debauche  du  droict  chemin  pour  adherer  a  mensonge  et  faulsete,  que  ce  ne  soit  sa  faute,  et  que  nostre  Seigneur  ne  le  punissel)  de  ce  qu'il  ne  l'a  pas  ayme  [page  6]  et  craint  comme  il  appartenoit,  ainsi  qu'il  sera  dict  tantost  apres.  Quoy  qu'il  en  soit,  quand  quelque  meschante  secte  et  pernicieuse  commence  a  pulluler,  et  principallement  quand  elle  croist,  l'office  de  ceux  que  nostre  Seigneur  a  constituee  a  l'edification  de  son  Eglise,  est  d'aller  au  devant,  et  la  repoulser  vivement,  devant  qu'elle  se  fortifie  pour  gaster  et  corrompre  d'avantage.  Et  de  faict,  puis  qu'ilz  sont  pasteurs  de  l'Eglise,  il  ne  suffist  pas  qu'ilz  proposent  et  administrent  la  bonne  pasture  au  trouppeau  de  Iesus  Christ,  s'ilz  ne  font  aussi  le  guet  sur  les  loups  et  les  larrons,  a  fin  de  crier  contre  eux,  et  les  chasser  arriere  du  trouppeau,  s'ilz  en  vouloyent  approcher.  Combien  qu'a  proprement  parler,  les  heretiques  ne  sont  pas  seulement  comme  larrons  ou  loups,  [page  7]  mais  beaucoup  pires:  d'autant  qu'en  corrompant  la  saincte  parolle  de  Dieu,  ilz  sont  comme  empoisonneurs,  meurtrissans  les  povres  ames,  soubz  ombre  de  les  paistre  et  leur  presenter  bonne  viande.  D'avantage  puis  que  Sathan  ne  cesse  de  machiner  par  tous  moyens  la  dissipation  de  ceste  saincte  unite,  que  nous  avons  en  nostre  Seigneur  Iesus  par  sa  parolle:  il  est  plus  que  requis  pour  la  conservation  de  l'Eglise,  qu'icelle  mesme  parolle  serve  et  soit  appliquee  en  usage  comme  glaive  et  bouclier,  pour  1)  merito  puniatur.  10*