52:150  pater  de  filiis  esse  soleat:  et  vere  paterna  cura  se  defunctum  esse  in  illis  docendis  ac  monendis.  Et  certe  nemo  unquam  bonus  erit  pastor,  nisi  qui  patrem  se  ecclesiae  sibi  creditae  praestabit.  Nec  vero  se  universo  modo  corpori  talem  fuisse  asserit,  sed  etiam  singulis.  Neque  enim  satis  est,  si  pastor  omnes  pro  suggestu  in  communi  doceat,  nisi  particularem  quoque  adiungat  doctrinam,  prout  vel  necessitas  postulat,  vel  occasio  se  offert.  Quare  idem  Paulus  Act.  20,  26  mundum  se  profitetur  a  sanguine  omnium:  quia  publice  omnes  et  privatim  singulos,  domi  admonere  non  cessaverit.  Communis  enim  doctrina  interdum  friget:  nec  corrigi  aut  sanari  quidam  possunt,  nisi  peculiari  medicina.  12.  Exhortati  simus.  Ostendit  quam  serio  incubuerit  in  eorum  salutem.  Neque  enim  se  perfunctorie  de  pietate  erga  Deum  et  vitae  christianae  officiis  concionatum  esse  narrat,  sed  exhortationes  et  contestationes  adhibuisse  dicit.  Haec  viva  est  evangelii  praedicatio,  quum  homines  non  modo  audiunt  quid  rectum  sit,  sed  exhortationibus  punguntur  et  revocantur  ad  Dei  iudicium,  ne  vitiis  suis  indormiant.  Nam  hoc  est  proprie  obtestari.  Quod  si  pii  homines,  quorum  promptitudinem  tantopere  laudat  Paulus,  necesse  habebant  exhortationum  stimulis  incitari,  imo  obtestationum  :  quid  nobis  agendum  est,  in  quibus  magis  regnat  carnis  pigrities  'i  reprobis  interea  quorum  insanabilis  est  contumacia,  horribilem  Dei  vindictam  denuntiare  oportet:  non  tam  spe  profectus,  quam  ut  reddantur  inexcusabiles.  Participium  rcapajjiuo-ootisvoi  quidam  consolati  vertunt.  Quod  si  recipimus,  consolationibus  usum  esse  intelligit  apud  afflictos,  qui  Dei  gratia  sustinendi  sunt,  et  reiiciendi  coelestium  bonorum  gustu,  ne  despondeant  animos,  aut  patientiam  abiiciant.  Contextui  tamen  altera  significatio  aptior  est,  quod  monuerit  scilicet:  nam  tria  verba  ad  idem  referri  constat  Ut  ambularetis.  Summam  exhortationum  suarum  breviter  perstringit:  nempe  quod  Dei  misericordiam  commendans,  illos  monuerit  ne  suae  vocationi  deessent.  Commendatio  gratiae  in  hoc  membro  sita  est,  qui  vocavit  vos  in  suum  regnum.  Nam  quum  in  gratuita  Dei  adoptione  fundata  sit  nostra  salus,  sub  hoc  uno  verbo  comprehenditur  quidquid  bonorum  nobis  Christus  attulit.  Restat  nunc  ut  Deo  vocanti  respondeamus:  hoc  est,  ut  nos  illi  tales  exhibeamus  filios,  qualis  nobis  pater  est.  Abdicari  enim  meretur  ex  Dei  familia  qui  aliter  vivit  quam  Dei  filium  deceat.  13.  Quapropter  nos  quoque  indesinenter  gratias  agimus  Deo,  quod,  quum  sermonem  Dei  praedicatum  a  nobis  per  cepistis,  amplexi  estis  non  ut  sermonem  hominum,  sed  quemadmodum  re  vera  est,  sermonem  Dei:  qui  etiam  efficaciter  agit  in  vobis  credentibus*  10*