51:150  peccatorum  appositive  nuncupat.  Quo  significat,  ideo  nos  redemptos  esse,  quia  non  imputentur  nobis*  peccata.  Inde  enim  est  gratuita  iustitia,  qua  accepti  sumus  Deo,  per  quam  a  diaboli  et  mortis  vinculis  solvimur.  Notanda  igitur  diligenter  est  ista  appositio,  quae  redemptionis  modum  definit.  Quamdiu  enim  manemus  obnoxii  Dei  iudicio,  miseris  vinculis  constricti  sumus.  Ideoque  solutio  a  reatu  inaestimabilis  est  libertas.  Secundum  divitias.  Iterum  redit  ad  causam  efficientem:  ideo  nobis  datum  esse  redemptorem  Christum,  quia  Deus  benefaciendo  largus  est.  Divitias  autem  hic  ad  amplificationem  ponit,  sicuti  et  verbum  exundandi.  Adeo  sibi  non  potest  in  extollenda  Dei  bonitate  satisfacere,  ut  totas  hominum  mentes  eius  admiratione  absorbeat.  Atque  utinam  hac  quam  commendat  gratiae  opulentia  penitus  imbutae  fuissent  hominum  mentes.  Quia  locum  non  reperissent  satisfactionum  commenta  et  tales  nugae,  quibus  persuasus  f  uit  mundus  se  ipsum  redimere:  acsi  ar  esceret  Christi  sanguis,  nisi  adventitiis  subsidiis  adiutus.  8.  In  omni  sapientia.  Iam  ad  causam  formalem  descendit,  nempe  ad  evangelii  praedicationem,  per  quam  in  nos  exundat  Dei  bonitas.  Nam  fide  nobis  communicatur  Christus,  per  quem  ad  Deum  pervenimus,  per  quem  fruimur  adoptionis  beneficio.  Porro  evangelium  ornat  splendidis  titulis  sapientiae  et  prudentiae,  ut  contrarias  omnes  doctrinas  despiciant  Ephesii.  Nam  hoc  colore  se  insinuabant  pseudoapostoli,  sublimius  se  quiddam  afferre  traditis  a  Paulo  rudimentis.  Et  diabolus  etiam  quo  fidem  nostram  labefactet,  quantum  potest,  evangelio  detrahere  molitur.  Contra  evangelii  autoritas  adstruitur  a  Paulo,  ut  secure  in  eo  acquiescant  fideles.  Omnis  sapientia  plenam  aut  perfectam  significat.  Quia  autem  quosdam  terrebat  novitas,  huic  etiam  errori  tempestive  occurrit,  dum  vocat  arcanum  divinae  v  o  l  u  n  t  a  t  i  s  :  sed  tamen  arcanum  quod  nunc  Deus  patefacere  voluerit.  Quemadmodum  autem  prius  electionis  causam  Dei  beneplacito  adscripsit,  ita  etiam  nunc  eandem  statuit  causam  in  vocatione:  ut  agnoscant  Ephesii,  Christum  sibi  innotuisse  et  praedicatum  evangelium  :  non  quia  promeriti  quidquam  tale  fuerint,  sed  quia  Deo  placuerit.  9.  QuQd  in  se  ipso  proposuerat  in  dispensationem.  Prudenter  singula  ordine  suo  digerit.  Quid  enim  aequius  quam  soli  Deo  nota  esse  sua  consilia,  quae  homines  lateant,  quamdiu  apud  se  ea  tenere  vult?  Rursus  vero  in  eius  arbitrio  ac  potestate  esse,  tempus  praefigere  quo  in  hominum  notitiam  veniant?  Utrumque  igitur  docet  :  fuisse  hactenus  absconditum  illud  de  adoptandis  gentibus  decretum  in  Dei  mente,  sic  tamen  ut  penes  se  contineret  Jusque  ad  tempus  revelationis.  Si  quis  nunc  conqueratur  rem  esse  novam  et  insolentem,  quod  in  ecclesiam  cooptantur  qui  alieni  fuerant  a  Deo:  nonne  iniquus  est  qui  10*