50:150  ritur  quaestio,  numquid  tali  infirmitate  laboraverit  Christus,  ut  subiectus  necessitati  fuerit,  non  volens.  Nam  quod  ex  infirmitate  patimur,  patimur  coacti,  et  non  propria  libertate.  Quum  olim  abuterentur  hoc  praetextu  Ariani  ad  impugnandam  Christi  divinitatem,  patres  orthodoxi  solutionem  attulerunt,  factum  id  faisse  dispensatione:  quia  ita  voluerit  Christus:  non  autem  quod  eum  ulla  necessitas  coegerit.  Quae  responsio  vera  est,  modo  dextre  intelligatur.  Sed  sunt  qui  perperam  dispensationem  extendunt  ad  humanam  Christi  voluntatem:  quasi  non  fuerit  haec  naturae  eius  conditio,  sed  permissio  praeter  naturam.  Exempli  gratia,  quod  mortuus  est,  dicunt  non  accidisse  quod  proprie  morti  obnoxia  esset  eius  humanitas,  sed  dispensatione:  quia  mori  voluerit.  Fateor  quidem,  ideo  mortuum,  quia  voluit:  sed  unde  haec  voluntas,  nisi  quia  naturam  mortalem  sponte  induit?  Quod  si  facimus  humanam  Christi  naturam  ita  nostrae  dissimilem,  eversum  est  praecipuum  fidei  nostrae  fundamentum.  Quare  ita  intelligamus,  Christum  dispensatione,  non  coactione  esse  passum:  quia  quum  in  forma  Dei  esset,  se  ab  hac  necessitate  eximere  poterat:  passum  nihilominus  ex  infirmitate,  quia  semetipsum  exinanivit.  Nos  infirmi  sumus  in  illo.  Infirmum  esse  in  Christo  hic  significat,  socium  esse  infirmitatis  Christi.  Ita  suam  infirmitatem  gloriosam  facit,  quod  in  ea  Christo  sit  conformis:  neque  iam  amplius  horreat  probrum  quod  sibi  commune  est  cum  filio  Dei:  sed  interea  dicit  se  victurum  erga  eos  Christi  exemplo.  Ego  quoque,  inquit,  particeps  ero  vitae  Christi,  postquam  fuero  infirmitate  defunctus.  Vitam  opponit  infirmitati:  ideoque  hoc  nomine  florentem  et  plenum  dignitatis  statum  intelligit.  Particula  erga  vos  potest  etiam  cum  Dei  virtute  construi:  sed  parum  refert,  quia  semper  manet  idem  sensus:  Corinthios,  postquam  recte  iudicare  coeperint,  reverenter  et  magnifice  de  virtute  Dei,  quae  in  Paulo  erat,  sensuros:  nec  externam  infirmitatem  amplius  habituros  despectui.  5.  Vosmetipsos  tentate  num  sitis  in  fide:  vos  ipsos  probate.  Annon  cognoscitis  vosmetipsos,  quod  Iesus  Christus  in  vobis  est?  nisi  sicubi  reprobi  estis.  6.  At  spero  vos  cognituros  quod  nos  non  simus  reprobi.  7.  Opto  autem  apud  Deum  ne  quid  mali  faciatis  :  non  quo  nos  probati  appareamus,  sed  ut  vos  quod  honestum  est  j  faciatis:  nos  vero  veluti  reprobi  simus.  8.  Non  enim  possumus  quidquam  adversus  veritatem,  sed  pro  veritate.  9.  Gaudemus  enim  quum  nos  i/nfirmi  fuerimus:  vos  autem  validi  fueritis.  Hoc  vero  etiam  optamus,  vestram  integritatem.  5.  Vosmetipsos  tentate.  Confirmat  quod  superius  dixerat,  Christi  virtutem  palam  apparuisse  ia  10*