5:150  nec  tam  imperio  nobis  opus  est,  quam  exemplo.  Cui  simile  est  illud  Ovidii  Fastorum  V.:  [pag.  144]  Sic  agitur  censura,  et  sic  exempla  parantur,  Quum  iudex  alios  quod  monet,  ipse  facit.  A  capite  bona  valetudo']  Sumptum  a  medicis,  qui  quum  omnibus  membris  mutuam  inesse  sympathiam  consentiant,  caput  tamen  praecipuam  vitae  sedem  tradunt:  utpote  a  quo  omnes  nervi  originem  trahant:  ut  non  immerito  illud  dictum  sit,  caput  in  homine  perinde  esse  atque  radicem  in  arbore.  Parcetur  ubique  manibus  tuis]  Hac  vero  in  primis  curae  debet  esse  principibus,  qualem  famam  ac  quale  nomen  habituri  sint  ad  posteros.  Nam  ut  maxime  possint  dum  vivunt  linguas  omnium  continere,  mortui  certe  linguis  non  imperant.  Imo  vero  in  eos  sub  quibus  minime  licet,  tum  demum  avidius  effunditur  quidquid  usquam  est  conviciorum,  quum  eorum  morte  parta  libertas.  Nullum,  inquit  Plinius  in  Panegyrico,  est  tempus,  quo  funestorum  principum  manes  a  posterorum  exsecrationibus  conquiescant.  Magnas  voces]  Quae  in  speciem  magnae  sint  et  animosae,  licet  re  vera  indignae  magno  animo.  Nihil  est  magnum  Stoicis,  quod  non  idem  sit  bonum,  et  introrsus  solidum.  Vide  Senecam  libro  I.  de  Ira.  Oderint,  dum  metuant]  Verba  sunt  Atrei  ex  veteri  tragoedia,  ut  dictum  est  libro  L  Cui  graecus  versus]  ^EfAov  &avovxoc  yccta  {iix&sizw  nvgi.  Trimeter  est  iambicus,  quem  sic  latine  vertere  possis  :  Me,  misceatur  igne  terra,  mortuo,  ab  Erasmo  relatus  inter  paroemias,  et  quem  proverbialem  fuisse  significat.  Tranquillus  in  Nerone,  quem  refert,  quodam  in  sermone  communi  versum  illum  dicente,  respondisse,  ifiov  CCOVTOC.  Ad  hunc  senarium  allusit  Claudianus  Ruffinum  faciens  sic  loquentem:  Everso  iuvat  orbe  mori,  solatia  lethi  Exitium*}  commune  dabit.  Nec  absimilem  sententiam  laudat  ipse  Seneca  Naturalium  quaestionum  libro  VI.  :  Egregie  inquit,  Vagellus  meus  in  illo  inclyto  carmine:  Si  cadendum  est  mihi,  coelo  cecidisse  iuvat.  Idem  licet  dicere,  Si  cadendum  est,  cadam  orbe  concusso.  Non  quia  fas  est  optare  publicam  cladem,  sed  quia  ingens  mortis  solatium  est,  terram  quandoque  videre  mortalem.  Et  alia  huius  notae]  Eiusdem  generis,  et  rationis,  ducta  translatione  a  forma  publica,  qua  nummi  percutiuntur.  Seneca  Epistol,  libro  V.  :  quum  vellet  demonstrare  facta  ac  dicta  sapientis  eiusdem  rationis  esse,  Respondeant,  inquit,  sibi,  et  una  forma  1)  Sic  emendat  prima  Stoerii  ed.  1611  et  sequentes.  Antea  male  legebatur:  exitum.  10*