44:150  hostes  inter  se  vires  et  studia  coniungerent  contra  Iudaeos,  ita  ut  a  quatuor  mundi  plagis,  hoc  est,  a  toto  circuitu  esset  illis  causa  trepidandi,  haec  ratio  est  cur  propheta  dicat  quatuor  cornibus  ventilatos  fuisse.  Videtur  tamen  hoc  esse  adhuc  frigidum,  quia  non  opus  fuit  prophetae  ostendi  quod  omnibus  plus  satis  notum  erat.  Sed  testari  voluit  Deus  gentes  quae  inimicae  et  infestae  fuerant  Iudaeis,  non  egisse  quidquam  nisi  ex  arcano  suo  instinctu,  ut  intelligant  Iudaei  totidem  fuisse  ferulas,  quibus  vellet  eos  castigare.  Caeterum  coniungi  debet  posterior  pars,  quod  scilicet  Deus  etiam  ostenderit  prophetae  quatuor  fabros.  Nam  cohaerent  inter  se  duae  istae  visiones.  Si  quis  ergo  arripiat  unam  partem,  perperam  faciet.  Neque  enim  constabit  ratio  vaticinii:  ergo  si  nolumus  mutilare  quae  coniuncta  sunt,  ne  separemus  quod  additur  de  quatuor  fabris.  Quoniam  ergo  undique  oppressi  fuerant  Iudaei,  ostendit  etiam  Deus  satis  multa  sibi  esse  remedia,  et  quidem  ex  diversis  locis  :  propheta  quatuor  cornua  viderat:  videt  quatuor  fabros:  hoc  est,  agnoscit  Deum  posse  statim  modum  invenire,  quo  compescat  omnes  turbas  et  tumultus,  quia  contundet  quasi  sub  incude  cornua  illa,  et  conteret  quae  prius  dissipaverat  Iudaeos.  Eadem  igitur  est  ratio  semper  in  voce  quatuor.  Nam  sicuti  Chaldaei  insanierant  contra  Iudaeos,  ita  ostendit  Dominus  sibi  esse  in  manu  paratos  hostes,  quemadmodum  aliqua  ex  parte  iam  manifestaverat.  Unde  enim  Persae  et  Medi  tam  repente  occupaverant  Babylonem,  nisi  quia  fabri  erant,  quorum  operam  locaverat  Deus,  ut  contunderet  cornu  illud  babylonicum?  unde  etiam  factum  est  ut  Syri  succubuerint,  Aegyptii  et  aliae  omnes  nationes?  nempe  erant  totidem  cornua:  sed  Dominus  fregit  ferociam  tot  gentium  per  multos  fabros,  quia  eos  conductitios  habuit  et  praesto  ad  suum  obsequium.  Nunc  tenemus  verum  prophetae  consilium.  Etsi  autem  voluit  propheta  hoc  vaticinio  hortari  et  animare  suos  gentiles  ad  patientiam,  ut  spiritus  Dei  has  partes  iniunxerat:  tamen  quasi  in  speculo  hic  hodie  quoque  nobis  proponit  Dominus  qualis  ecclesiae  sit  conditio.  Ne  ergo  miremur  si  tumultuetur  omni  ex  parte  mundus  contra  ecclesiam  Dei,  et  si  insurgant  procellae  et  tempestates  tam  ab  oriente  quam  ab  occasu.  Neque  enim  hoo  novum  est,  ut  multi  hostes  ex  variis  plagis  inter  se  conspirent:  et  ita  ecclesia  Dei  sustineat  multos  insultus.  Hoc  unum  est.  Interea  accedat  haec  consolatio,  Deo  scilicet  esse  multos  fabros  ad  manum.  Et  apposita  est  metaphora  prophetae.  Nam  durities  cornuum  erat  formidabilis  Iudaeis:  sed  propheta  dicit  esse  duritiem  in  malleis,  quae  confringat  omnia  cornua.  Deus  ergo,  etiamsi  feriamur  ab  hostibus  nostris,  reperiet  fabros  quorum  opera  ipsos  frangat:  et  certe  hoc  iam  saepius  experti  sumus.  Unde  sit  ut  tam  exiguus  eorum  numerus,  qui  nunc  10*