42:150  avons  a  retenir  de  ce  passage,  ou  il  est  dit,  que  Daniel  en  ha  veu  deux  autres  qui  estoient  l'un  d'un  coste  de  la  riviere,  et  l'autre  de  l'autre,  et  qu'ils  se  sont  enquis,  or  maintenant  il  reste  de  veoir  a  qui  c'est  que  les  anges  demandoient  ce  qui  leur  estoit  inconneu:  a  l'homme  vestu  de  linge  (dit-il).  Or  nous  avons  traitte  par  ci  devant,  que  cet  homme  la  figuroit  le  mediateur,  c'est  a  scavoir  nostre  Seigneur  Iesus  Christ,  nous  voions  donc  comme  de  tous  temps  il  ha  este  le  maistre  et  le  docteur  des  anges,  qu'il  ha  este  comme  un  mirouer  auquel  les  anges  ont  contemple  les  merveilles  de  Dieu,  et  les  grands  secrets  qui  autrement  leur  eussent  este  incomprehensibles.  Ainsi  donc  voici  un  article  qui  prise  beaucoup,  et  est  de  grand  importance,  car  nous  voions  l'audace  qui  est  aux  hommes  de  penser  de  Dieu,  qu'ils  se  fourrent  la��  dedans  avec  une  presumption  et  une  temerite  si  grande,  qu'il  n'est  point  question  d'y  aller  avec  une  crainte  et  une  reverence,  mais  aussi  quand  ils  y  seront  entres  avec  une  telle  outrecuidance,  qu'en  adviendra  il?  toute  confusion:  car  nostre  Seigneur  habite  une  clarte  inacessible,  comme  dit  l'escriture,  et  nous  ne  pouvons  point  monter  si  haut,  et  ne  devons  point  aussi  presumer  de  le  faire:  puis  qu'ainsi  est  donc  notons  bien  cette  doctrine  ou  il  est  dit,  que  les  anges  mesmes  ne  parviennent  point  iusques  aux  secrets  de  Dieu,  sinon  par  le  moien  de  nostre  Seigneur  Iesus  Christ,  et  voila  pourquoy  l'escriture  saincte  nous  enseigne  qu'il  est  l'image  vive,  voire  de  Dieu  incomprehensible,  quand  l'escriture  dit  que  Dieu  ne  se  voit  point  et  ne  se  peut  voir,  elle  ne  parle  pas  seulement  des  yeux  corporels,  mais  elle  comprend  tous  les  sens  de  l'homme,  ainsi  donc  nous  serons  confus  si  nous  voulons  attendre  a  Dieu,  sinon  par  le  moien  de  nostre  Seigneur  Iesus  Christ:  et  pourquoy?  pource  qu'il  est  son  image  vive,  cela  nous  est  dit,  mais  cependant  l'exemple  que  nous  voions  ici  en  Daniel  nous  y  doit  encores  mieux  inciter  et  confermer,  car  est-ce  peu  de  chose  qu'il  faille  que  les  anges  s'adressent  a  Iesus  Christ  au  mediateur  du  monde?  ou  autrement  ils  demeureroient  la  ignorans,  et  il  ne  seroit  point  mesmes  entendu  d'eux.  Cela  donc  nous  doit  bien  inciter  a  humilite,  a  fin  que  nous  n'attendons  point  de  venir  aux  secrets  de  Dieu,  sinon  par  le  moien  et  par  la  conduite  de  nostre  Seigneur  Iesus  Christ.  Or  si  cela  estoit  bien  entendu  auiourd'huy  il  n'y  auroit  point  tant  de  troubles  en  la  chrestiente  comme  on  les  void,  car  qui  est  cause  que  nous  n'avons  point  un  accord  ensemble,  sinon  que  les  hommes  ne  se  peuvent  renger  a  ce  que  Dieu  leur  ha  monstre?  Quand  sainct  Paul  dit  que  tous  les  thresors  de  sagesse  sont  enclos  en  Iesus  Christ,  et  sont  la  caches,  il  nous  exhorte,  que  nous  n'estimions  de  rien  scavoir  10*