21:150  vespere  peregrinos  pulsarent  ac  interdum  etiam  spoliarent.  Privatim  vero  ac  proprie  Bolseci,  Castellionis  et  aliorum  quorundam  de  veritate  scilicet  valde  solicitorum  hominum,  opera  utebantur  controversiae  de  praedestinatione  renovandae,  adeo  ut  famosum  libellum  conviciorum  plenum  eumque  anonymon  sparsisse  non  contenti,  quo  fidum  illum  Dei  servum  miris  modis  lacerabant,  miserit  Castellio  latinum  alterum  Lutetiae  clam  excudendum  :  cui  postea  respondi,  sicut  et  ipse  Calvinus  quasdam  eiusdem  argumenti  ineptias  certis  capitibus  comprehensas  refutavit.  Incumbebat  etiam  ei  tum  temporis  ex  Anglia  profugorum  cura,  quorum  alii  *)  Vezaliae,  alii  Emdae  alii  denique  Francofurti  consederant,  omnes  a  Calvino  consilium  subinde  flagitantes  :  nec  parum  etiam  angebatur  quorundam  in  Gallicae  Argentinensis  ecclesiae  ab  ipso  olim  plantatae  pastorum  audacia  aliorum  occulto  favore  adiuta.  Denique  quantopere  hoc  anno  pro  variis  ecclesiis  laborarit,  testis  est  insignis  literarum  copia,  quibus  et  magnates  multos  ad  amplectendum  evangelium  excitavit,  et  fratres  plurimos,  alios  non  procul  ab  extremis  periculis,  alios  in  vinculis  positos  maximo  cum  fructu  confirmavit.  Diximus  antea  de  doctrinae  sacramentorum  inter  omnes  Helveticas  et  Rhaeticas  ecclesias  consensu  edito,  maxima  doctorum  et  bonorum  omnium  gratulatione.  Displicuit  haec  concordia  spiritui  erroris,  cuius  iampridem  ea  est  quam  cernimus  efficacia.  Itaque  facile  reperit  qui  sopitum  ignem  foderet*  Ioachimum  nimirum  quendam  Westphalum  :  cui  classicum  canenti  succinuit  postea  Heshusius,  tunc2)  verbi  minister,  nunc  etiam  episcopus,  de  quibus  mox  dicendum  nobis  erit.  Ac  tunc  quidem  Calvinus  consensionis  illius  explicationem  edidit,  quae  quo  magis  rabiem  istorum  exacuit  eo  magis  omnibus  veritatis  amantibus  profuit.  Annus  vero  proxime  consequutus  3)  mirifico  Dei  beneficio  reipublicae  ac  ecclesiae  Genevensi  optatam  quietem  a  domesticis  certaminibus  attulit,  factiosis  autem  sua  ipsorum  opera  perditis  horrenda  coniuratione  peropportune  per  ebriosorum  quorundam  ex  consciorum  numero  petulantem  audaciam4)  detecta:  et  aliis  quidem  capitis  supplicio  affectis,  aliis  vero  solum  vertentibus,  qui  etsi  aliquamdiu  postea  civitatem  vexarunt  turpiter  tamen  omnes  postea  intereuntes  singulare  seri  quidem  sed  iusti  divini  iudicii  exemplum  praebuerunt.  Sic  liberata  fuit  ab  his  pestibus5)  respublica,  quum  altero  Dei  beneficio  1  in  Frisia  Wesaliae  et  Emdae  {rece.)  2  add.  recenti.  Heidelbergae.  3  MDLY.  4  add.  intempesta  nocte.  5)  add.  Genevensis.  10*