9:15  15  CONSENSIONIS  CAPITUM  EXPOSITIO.*)  [pag.  23]  Quum  piis  omnibus  sanoque  et  recto  iudicio  praeditis  tam  odiosa  pridem  esset  molestaque,  quae  hac  nostra  aetate  mota  fuerat,  de  sacramentis  contentio,  quam  infeliciter  ab  ea  prosperum  evangelii  cursum  tardari  videbant:  non  modo  commoda  aliqua  ratione  vel  sepultam  esse,  vel  compositam  semper  optarunt:  sed  in  ea  quoque  sedanda  a  quibusdam  non  parum  laboris  positum  est.  Quod  ex  voto  non  protinus  successit,  in  ea  tarditate  quam  difficile  sit  ignem  Satanae  artificio  semel  accensum  restingui,  triste  documentum  apparuit.  Huc  quidem  usque  profectum  est,  ut  sedato  nonnihil  fervore,  ad  docendum  magis,  quam  ad  pugnandum  utraque  pars  intenta  foret.  Sed  quia  adhuc  ex  sopitis  carbonibus  subinde  micabant  scintillae,  a  quibus  novum  incendium  rursus  timendum  erat:  quod  optimum  putavimus  remedium,  nos  Tigurinae  et  Genevensis  ecclesiae  pastores,  adhibito  etiam  optimo  fratre  nostro  Farello,  afferre  conati  sumus,  ne  qua  in  posterum  residua  maneret  discordiae  materia.  Breve  compendium  edidimus,  quod  nostram  de  sacramentis  doctrinam  ita  testatur,  ut  communem  aliorum  pastorum  consensum,  qui  purum  evangelium  apud  Helvetios  Rhaetosque  sequuntur,  contineat.  Hoc  testimonio  in  publicum  edito,  doctis  et  moderatis  hominibus  plane  satisfactum  esse,  nobis  [pag.  24]  persuasimus:  neminem  certe  putavimus  ita  morosum,  quin  placatus  quiesceret.  Nam  ut  postea  videbimus,  dilucida  illic  constat  omnium  rerum,  de  quibus  antehac  certatum  est,  definitio,  quae  nullum  sinistrae  suspicioni  locum  relinquat.  Et  singulari  Dei  beneficio  factum  est,  ut  magna  in  parte  ex  spe  votoque  nostro  successerit.  Ecce  autem  rebus  tranquillis  !)  surgunt  importuni  quidam  homines,  et  quasi  *)  In  editi,  prince,  inseritur  post  praefationem  Consensionis  Tigurinae  textus  integer,  et  Defensionis  inscriptio  haec  est:  Superioris  doctrinae,  quam  lectoium  oculis  subiecimus,  confirmatio.  (Exposition  de  la  doctrine  contenue  aux  articles  ci  dessus  couchez.)  1)  Mais  le  diable  estant  fasche  de  nostre  tranquilite,  nous  a  puis  n'agueres  derechef  suscite  nouveaux  troubles.  Car  il