7:15  15  ARTICULI  FACULTATIS  PARISIENSIS.  16  est  panem  illic  proponi,  qui  eius  rei  imaginem  demonstret,  sicut  idem  Paulus  loquitur:  Panis  quem  frangimus,  communicatio  est  corporis  Christi.  Quod  si  tantum  inanis  species  panis  illic  appareat  et  non  substantia,  perit  vis  et  efficacia  sacramenti.  In  hunc  quoque  modum  loquuti  sunt  omnes  sancti  patres.  Irenaeus:  *)  Quemadmodum  qui  est  a  terra  panis,  percipiens  vocationem  Domini,  non  iam  communis  panis  est,  sed  eucharistia  ex  duabus  rebus  constans,  terrena  et  coelesti.  Et  canon  Nicenae  synodi  sic  habet:  Ne  humiliter  intenti  simus  ad  propositum  panem  et  poculum:  sed  elevata  mente  fide  consideremus  in  sancta  illa  mensa  agnum  Dei.  Cyprianus:  2)  Quando  Dominus  corpus  suum  panem  vocat  de  multorum  granorum  adunatione  congestum,  populum  nostrum  quem  portat,  indicat  adunatum.  Et  quando  sanguinem  suum  vinum  appellat,  de  botris  atque  acinis  expressum,  gregem  item  nostrum  significat  commixtione  adunatae  multitudinis  copulatum.  Sic  etiam  Fulgentius3)  sacramentum  panis  et  calicis  nuncupat.  Denique,  sicut  ait  Augustinus,4)  si  sacramenta  quandam  similitudinem  earum  rerum,  quas  figurant,  non  haberent,  utique  sacramenta  non  essent.  Unde  et  panem  in  Christi  corpore  sanctificatum  vocarunt  aliqui  ex  patribus.  Ipsa  autem  corporis  Domini  exhibitio  qualis  sit,  ex  Augustino  discere  licet,  cuius  verba  sunt:  5)  Noli  dubitare  nunc  esse  hominem  Christum,  unde  venturus  est  eadem  visibili  forma  atque  substantia,  qua  visus  est  ascendere:  cui  profecto  immortalitatem  dedit,  naturam  non  abstulit.  Cavendum  est  enim,  ne  sic  divinitatem  adstruamus  hominis,  ut  veritatem  corporis  auferamus.  Haec  eo  spectant,  non  ut  putemus  inane  symbolum  nobis  offerri,  sed  ut,  dum  volumus  Christum  recipere,  sicut  re  ipsa  nobis  datur,  sursum  corda  erigamus.  6)  ARTICULUS  VI.  De  sacrificio  missae.  Sacrificium  missae  est  ex  Christi  institutione,  valens  pro  vivis  et  mortuis.  Probatur  sic:  Quia  Christus  dicit:  Hoc  facite.  Facere  autem  est  sacrificare,  iuxta  illud  Vergilii:  Quum  faciam  vitula  pro  frugibus  ipse  venito.  De  1)  Libr.  4.  adrers.  Valent.  2)  In  Epist,  ad  Magnum.  3)  Fulgentius  ad  Monvmum.  4)  Epist.  23.  ad  Bonifac.  5)  In  epist,  ad  Bard.  57.  6)  Haec  gallice  sic  vertuntur:  Et  ainsi  nostre  intention  n'est  point  de  dire  que  nous  ayons  un  signe  vuide,  ou  un  spectacle  frustratoire  en  la  Cene,  comme  si  Iesus  Christ  n'accomplissoit  point  ce  qu'il  nous  y  promet:  mais  seulement  de  destourner  les  coeurs  de  toute  superstition  et  imagination  charnelle.