6:15  LE  CATECHISME  DE  GENEVE.  LE  MINISTRE.  Pourquoy  le  nomines  tu  Pere?  L'ENFANT.  C'est  au  regard  de  IESUS  Christ:  qui  est  la  Parolle  eternelle,  engendree  de  luy  devant  les  siecles:  puis  estant  manifeste  au  monde,  a  este  approuve  et  deolaire  estre  son  Filz.  Mais  entant  que  Dieu  est  Pere  de  IESUS  Christ,  de  la  s'ensuit  qu'il  est  aussi  le  nostre.  LE  MINISTKE.  Comment  entens-tu  qu'il  est  tout-puissant?  L'ENFANT.  Ce  n'est  pas  seulement  a  dire,  qu'il  ait  le  pouvoir,  ne  Pexerceant  plus  :  1)  mais  qu'il  a  toutes  creatures  en  sa  main  et  subiection:  qu'il  dispose  toutes  choses  par  sa  providence:  gouverne  le  monde  par  sa  volunte:  et  conduit  tout  ce  qui  se  fait  selon  que  bon  luy  semble.  LE  MINISTRE.  Ainsi  selon  ton  dire,  la  puissance  de  Dieu  n'est  pas  oysive,  mais  emporte  davantage:  assavoir  qu'il  a  tousiours  la  main  a  la  besongne:  et  que  rien  ne  se  faict,  sinon  par  luy,  ou  avec  son  conge  et  son  ordonnance.  L'ENFANT.  Il  est  ainsi.  LE  MINISTRE.3)  Pourquoy  adioustes-tu  qu'il  est  Createur  du  ciel  et  de  la  terre?  L'ENFANT.  Pource  qu'il  s'est  manifeste  a  nous  par  ses  oeuvres,  il  faut  qu'en  icelles  nous  le  cherchions  (Ps.  104;  Hom.  1,  20).  Car  nostre  entendement  n'est  pas  capable  de  comprendre  son  essence.  Mais  le  monde  nous  est  comme  un  miroir,  auquel  nous  le  pouvons  contempler  selon  qu'il  nous  est  expedient  de  le  congnoistre.  LE  MINISTRE.  Par  le  ciel  et  la  terre,  n'entens-tu  pas  le  residu  des  creatures?  L'ENFANT.  Si  fay.  Mais  elles  sont  comprinses  soubz  ces  deux  motz:  a  cause  qu'elles  sont  toutes  celestes,  ou  terriennes.  LE  MINISTRE.  Et  pourquoy  appelles-tu  DIEU  seulement  [fol.  6]  Createur?  veu  qu'entretenir  et  conserver  tousiours  les  creatures  en  leur  estat,  est  beaucoup  plus  que  les  avoir  une  fois  creees?  L'ENFANT.  Aussi  par  cela  n'est-il  pas  seulement  signifie  qu'il  ait  pour  un  coup  mis  ses  oeuvres  en  nature,  MINISTER.