56:15  15  GENESE.  16  qu'elle  avoit  arrachee:  lors  Noe  cognut  que  les  eaux  s'estoyent  retirees  de  dessus  la  terre.  12.  Si  attendit  encore  sept  autres  iours,  puis  envoya  la  colombe:  mais  elle  ne  retourna  plus  a  luy.  13.  Or  adveint  donc  qu'en  l'an  six  cens  et  un  de  l'aage  de  Noe,  au  premier  iour  du  premier  mois,  les  eaux  furent  sechees  de  dessus  la  terre:  et  Noe  ostant  la  couverture  de  l'arche,  regarda,  et  voici  le  dessus  de  la  terre  estoit  desseche.  14.  Et  au  vingtseptieme  iour  du  second  mois,  la  terre  fut  seche.  15.  Puis  Dieu  parla  a  Noe,  disant,  16.  Sors  hors  de  l'arche,  ta  femme,  tes  fils,  et  les  femmes  de  tes  fils  avec  toy.  17.  Fay  sortir  avec  toy  tous  les  animaux  qui  sont  avec  toy  de  toute  chair,  tant  des  oiseaux  que  des  bestes,  et  tous  reptiles  rampans  sur  la  terre:  et  qu'ils  produisent  en  la  terre,  et  fructifiant,  et  multiplient  sur  la  terre.  18.  Ainsi  donc  Noe  sortit,  ses  fils,  sa  femme,  et  les  femmes  de  ses  fils  avec  luy.  19.  Tous  animaux,  tous  reptiles,  toutes  volailles,  tout  ce  qui  se  mouvoit  sur  la  terre,  selon  leurs  generations,  sortirent  hors  de  l'arche.  20.  Et  Noe  edifia  un  autel  a  l'Eternel,  et  preint  de  tout  bestail  net,  et  de  toute  volaille  nette,  si  offrit  holocausto  sur  l'autel.  21.  Et  l'Eternel  sentit  un  odeur  de  repos:  et  dit  en  son  coeur,  Ie  ne  maudiray  plus  d'oresenavant  la  terre,  pour  l'occasion  de  l'homme:  car  la  conception  du  coeur  de  l'homme  est  mauvaise  des  sa  ieunesse.  Et  si  ne  fraperay  plus  toute  chose  vivante  comme  i'ay  fait.  22.  Mais  tant  que  la  terre  sera,  les  semailles  et  les  moissons,  le  froid  et  le  chaut,  Teste  et  Phyver,  le  iour  et  la  nuit  ne  cesseront  point.  Chapitre  IX.  1.  Et  Dieu  benit  Noe  et  ses  fils,  et  leur  dit,  Fructifiez,  multipliez,  et  remplissez  la  terre.  2.  Et  la  crainte,  et  frayeur  de  vous  sera  sur  tous  animaux  de  la  terre,  et  sur  toutes  volailles  du  ciel,  avec  tout  ce  qui  se  meut  sur  la  terre,  et  tous  poissons  de  la  mer,  lesquels  vous  sont  baillez  entre  vos  mains.  3.  Tout  ce  qui  se  meut  ayant  vie,  vous  sera  pour  viande:  ie  vous  ay  donne  le  tout  comme  l'herbe  verde.  4.  Toutesfois  vous  ne  rnangerez  point  la  chair  avec  son  ame,  qui  est  le  sang  d'icelle.  5.  Et  de  faict,  ie  requerray  vostre  sang,  le  sang,  di-ie,  de  vos  ames:  de  la  main  de  tous  les  animaux  ie  le  requerray,  et  de  la  main  de  l'homme  ie  redemanderoy  l'ame  de  l'homme:  de  la  main,  di-ie,  de  chacun  sien  frere.  6.  Qui  aura  espandu  le  sang  de  l'homme  en  l'homme,  son  sang  sera  espandu:  car  Dieu  a  fait  l'homme  a  son  image.  7.  Et  vous,  fructifiez,  croissez,  engendrez  en  la  terre,  et  multipliez  en  icelle.  8.  Semblablement  Dieu  parla  a  Noe,  et  a  ses  fils,  qui  estoyent  avec  luy,  disant,  9.  Or  voici,  Restabli  mon  alliance  avec  vous  et  avec  votre  semence  apres  vous.  10.  Et