[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


54:15  15  SERMON  I  16  que  Dieu  fust  separe,  et  qu'il  feist  ses  besongnes  (comme  on  dit),  et  cependant  qu'il  nous  laissast  ici  esgayer.  Voila  comme  les  hommes  sont  abbrutis.  Or  pour  ceste  cause  sainct  Paul  nous  monstre,  qu'il  ne  faut  point  que  nous  cherchions  aucune  felicite  sinon  en  Dieu.  Car  nous  pourrons  amasser  beaucoup,  que  toutes  les  creatures  du  monde  nous  soyent  favorables,  si  est-ce  qu'au  lieu  d'advancer  nous  reculerons,  iusques  a  ce  que  nous  soyons  venus  a  Dieu.  Et  cependant  il  nous  declare  que  nous  luy  pouvons  bien  demander  cela  en  pleine  confiance,  et  esperer  qu'il  nous  sera  ottroye.  Et  pourquoy?  Car  il  ne  nous  faut  point  considerer  simplement  en  Dieu  sa  maieste,  mais  aussi  le  nom  de  Pere,  duquel  il  veut  estre  comme  revestu,  afin  que  nous  ayons  acces  plus  familier  a.  luy.  Notons  bien  doncques  que  sainct  Paul  ne  nous  parle  pas  ici  nuement  de  Dieu.  Car  quand  nous  cuiderions  approcher  de  luy,  selon  que  nous  sommes  tant  indignes,  nous  serions  effrayez,  et  comme  effarouchez:  mais  il  dit  qu'il  est  Pere  quant  et  quant.  Et  ainsi,  il  nous  certifie  qu'il  ne  veut  point  estre  cognu  des  siens  sans  sa  misericorde:  et  par  son  exemple  il  nous  exhorte  a  chercher  la  paix  en  Dieu,  et  en  la  grace  dont  il  a  fait  mention.  Et  c'est  encores  un  mot  qui  doit  bien  estre  medite  de  nous.  Car  la  maieste  de  Dieu  nous  sera  tousiours  espouvantable,  si  nous  regardons  en  luy  qu'il  est  seulement  Createur.  Il  faut  doncques  toutesfois  et  quantes  que  nous  desirons  que  Dieu  nous  recoyve,  et  que  nous  voulons  aussi  prendre  hardiesse  pour  venir  a  luy,  que  ce  mot  de  Pere  nous  viene  devant  les  yeux:  ce  qui  ne  se  peut  faire  que  nous  n'ayons  Iesus  Christ  pour  Mediateur.  Et  voila  pourquoy  aussi  sainct  Paul  a  mis,  Nostre  Seigneur  lesus  Christ.  Il  est  vray  qu'en  disant  que  la  grace  et  la  paix  nous  vienent  de  luy  comme  de  Dieu  son  Pere,  il  nous  monstre  qu'il  nous  le  faut  adorer,  et  qu'il  n'est  point  une  simple  creature,  et  qu'il  ha  ce  que  n'ont  point  ni  les  hommes,  ni  les  anges.  Il  faut  bien  doncques  qu'ici  nous  prenions  un  tesmoignage  de  la  Divinite  de  nostre  Seigneur  Iesus  Christ,  afin  qu'il  soit  exalte  de  nous  selon  qu'il  le  merite.  Mais  cependant  sainct  Paul  nous  veut  confermer  en  ce  qu'il  a  dit,  c'est  que  hardiment  nous  demandions  a  Dieu  grace  et  paix,  et  que  nous  luy  demandions,  voire  pource  que  nous  avons  nostre  Mediateur  qui  nous  donne  fiance  de  faire  telle  requeste.  Et  c'est  ce  que  i'ay  desia  touche,  que  nous  ne  pouvons  concevoir  que  Dieu  soit  nostre  Pere,  sinon  que  nostre  Seigneur  Iesus  Christ  se  presente,  et  qu'il  declare  qu'il  est  le  Fils  unique,  et  que  nous  sommes  entez  en  son  corps  par  foy  quand  nous  sommes  ses  membres,  que  tout  ce  qu'il  ha  de  propre  il  nous  le  communique  par  sa  pure  bonte,  non  point  qu'il  nous  soit   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci