52:15  15  EPIST.  PAULI  AD  PHILIPPENSES  16  dooet  non  ait  tamen  sincero  animo.  Quod  autem  impuritas  baec  animi  fuerit,  et  non  apparuerit  in  doctrina,  colligere  licet  ex  contextu.  Paulus  certe  non  libenter  vidisset  evangelium  adulterari.  Atqui  ae  gaudere  testatur  praedicatione  istorum  non  simplici  nec  sincera.  Sed  quaeritur  quomodo  nocere  illi  potuerit  talis  praedicatio.  Respondeo,  plurimas  occasiones  nobis  esse  incognitas,  qui  temporum  circumstantias  non  tenemus.  Quaeritur  rurbum,  quum  annuntiari  nequeat  evangelium  nisi  ab  intelligentibus,  quae  causa  istos  impulerit  ad  persequendam  quam  probabant  doctrinam.  Respondeo,  caecam  esse  ambitionem,  imo  rabiosam  belluam:  ideo  non  esse  mirum  si  falsi  fratres  telum  ex  evangelio  arripiant  ad  vexandos  bonos  et  pios  pastores.  Nihil  certe  hic  dicit  Paulus  quod  ego  non  sim  expertus.  Vivunt  enim  adhuc  hodie  qui  evangelium  non  alio  animo  praedicarunt,  quam  Ut  persequendo  pios  pastores  impiorum  furori  obsequium  praeberent.  Quod  ad  Pauli  hostes  spectat,  operae  pretium  est  observare,  si  Iudaei  fuerint',  quam  insanum  fuerit  eorum  odium:  ut  etiam  obliviscerentur  quam  ob  causam  ipsum  odissent.  Nam  dum  ferebantur  ad  ipsum  perdendum,  promovendo  evangelio,  cuius  occasione  illi  erant  infesti,  navabant  operam.  Sed  putabant  scilicet  Christi  causam  in  unius  hominis  capite  stare  vel  cadere.  Si  autem  erant  aemuli,  quos  ambitio  ita  transversos  raperet,  agnoscenda  est  mira  Dei  bonitas,  qui  tamen  perversis  eorum  studiis  talem  dederit  successum.  17.  Quod  in  defensionem.  Qui  vere  Christum  amabant,  turpe  sibi  ducebant  fore  nisi  comites  se  adiungerent  Paulo  causam  illius  agenti.  Atque  ita  nobis  agendum  est,  ut  laborantibus  Christi  servis  manus,  quantum  in  nobis  est,  porrigamus.  Observa  iterum  hanc  loquutionem  de  evangelii  defensione.  Nam  quum  tanto  honore  nos  Christus  dignetur,  quae  excusatio  ci  causae  eius  fuerimus  praevaricatores:  aut  quid  nobis  exspectandum  si  illam  nostro  silentio  prodiderimus,  nisi  ut  nostram  vicissim  deserat  qui  solus  apud  patrem  advocatus  vel  patronus  est  noster?  18;  Quid  enim?  caeterum  quovis  modo,  sive  per  occasionem,  sive  per  veritatem,  Christus  annuntiatur*  Atque  in  hoc  gaudeo.  Quin  etiam  gaudebo.  19.  Novi  enim  quod  hoc  mihi  cedet  in  salutem  per  vestram  precationem,  et  subministrationem  spiritus  Iesu  Christi,  20.  secundum*  exspectationem  et  spem  meam,  quod  in  nulla  re  pudefiam:  sed  cum  omni  fiducia,  quemadmodum  semper.  Ua  et  nunc  magnificabitur  Christus  in  corpore  meo,  sive  per  vitam,  sive  per  mortem.  21.  Mihi  enim  vivendo  Christus  est,  et  moriendo  lucrum.  18.  Caeterum  quovis  modo.  Quoniam  improbus  eorum,  de  quibus  loquutus  est,  animus  poterat  de-