51:15  15  SERMONS  16  paillard,  un  vilain,  brief  il  n'y  aura  que  mespris  de  Dieu,  l'Evangile  sera  vilipende  par  tout,  et  faudra  que  tout  cela  soit  souffert  sous  ombre  qu'on  alleguera  qu'il  faut  avoir  quelque  humanite:  voire  et  cependant  il  est  question  de  quitter  l'honneur  de  Dieu  :  mais  ceux  qui  sont  tant  humains,  ou  en  font  le  semblant,  si  on  les  pique  tant  peu  que  ce  soit,  ils  viendront  incontinent  esmouvoir  une  guerre  mortelle,  Et  comment?  Cestuici  m'a  fait  un  tel  tort:  ils  s'e8carmoucheront  iusques  au  bout,  et  bien,  ils  endureront  des  supposts  de  Satan  tout  ce  qui  leur  sera  possible,  voire  iusques  a  estre  souffle  tez  avec  toute  ignominie,  comme  sainct  Paul  en  a  traitte  aux  Corinthiens,  et  cependant  ils  ne  pourront  souffrir  que  Dieu  soit  venge  du  deshonneur  qu'on  luy  fait.  Or  maintenant  nous  voyons  que  le  zele  de  sainct  Paul  a  este  bien  reigle:  et  si  on  luy  eust  fait  quelque  iniure  a  sa  personne,  nous  scavons  comme  il  a  este  patient  en  tout  cela.  Maintenant  qu'il  void  que  l'Evangile  de  Dieu  vient  en  telle  dissipation,  il  ne  le  pent  souffrir:  il  s'y  oppose,  et  desire  que  telles  gens  soyent  abysmez:  voire,  car  il  n'a  point  de  regard  a  soy:  mais  il  prefere  (comme  nous  avons  dit)  l'honneur  de  Dieu  a  tout  le  monde.  Voila  donc  comme  nous  ne  nous  esgarons  point,  voire  si  nous  regardons  simplement  a  Dieu,  et  que  nous  ne  lascherons  point  la  bride  a  nos  passions:  mais  que  nous  soyons  gouvernez  par  cest  esprit  de  droiture  et  de  prudence,  et  que  Dieu  nous  fera  discerner  ou  il  nous  faut  batailler,  et  la  ou  il  nous  faut  resister.  Quand  donc  nous  aurons  une  telle  discretion,  et  que  nous  serons  gouvernez  par  l'Esprit  de  Dieu,  nous  pourrons  avec  sainct  Paul,  avec  David  et  tous  les  saincts  Prophetes  despiter  les  hommes  quand  ils  nous  voudront  destourner  de  la  purite  de  doctrine  qui  nous  est  cognue:  et  mesmes  nous  pourrons  maudire  les  Anges,  si  besoin  estoit,  comme  sainct  Paul  en  a  parle  cidessus,  la  ou  il  despitoit  les  Anges  de  paradis  s'ils  se  dressoyent  contre  la  doctrine  de  l'Evangile  qu'il  avoit  preschee.  Non  pas  que  iamais  les  Anges  se  dressent  a  l'encontre:  mais  s'il  pouvoit  advenir.  Comme  s'il  disoit,  Prenons  le  cas  qu'ainsi  fust  qu'un  Ange  vint  pour  renverser  vostre  foy  :  il  le  faudroit  plustost  envoyer  en  enfer,  et  le  tenir  comme  un  diable  et  le  maudire,  que  d'estre  divertis  du  bon  chemin.  Voila  donc  comme  il  nous  faut  arrester  a  Dieu  en  tout  et  partout:  et  au  reste,  craignons  ceste  sentence  comme  si  nous  oyons  la  foudre  du  ciel  contre  tous  ceux  qui  troublent  l'Eglise:  car  c'est  bien  sainct  Paul  qui  a  parle:  mais  cependant  le  sainct  Esprit  a  conduit  et  gouverne  sa  langue.  D'autant  donc  qu'il  n'a  pas  este  sinon  l'instrument  de  Dieu  pour  publier  ceste  sentence,  c'est  autant  comme  si  l'arrest  irrevocable  estoit  desia  donne  contre  tous  ceux  qui