46:15  15  HARMONIE  EVANGELIQUE.  16  que  Iesus  Christ  fust  exalte.  Iean  Baptiste  n'a  point  cherche  son  excellence,  ne  d'avoir  dignite  ou  reputation  entre  les  hommes:  mais  de  magnifier  le  Fils  de  Dieu:  et  se  contente  d'estre  comme  du  tout  aneanti,  moyennant  que  la  gloire  du  Sauveur  reluise  par  tout.  Ainsi  donc  Dieu  n'a  point  eu  simplement  esgard  a  luy,  quand  il  a  este  conceu  d'une  facon  extraordinaire,  mais  afin  qu'il  eust  plus  d'authorite,  pource  qu'il  devoit  estre  comme  Pestoille  du  matin,  au  regard  et  en  comparaison  de  nostre  Seigneur  Iesus  Christ.  Voyla  le  Fils  de  Dieu,  qui  est  nomme  le  Soleil  de  iustice,  tellement  que  si  nous  avons  autre  clarte,  nous  sommes  en  tenebres:  car  c'est  la  clarte  seule  qui  nous  peut  conduire  au  salut  eternel  de  nos  ames.  Or  Iean  Baptiste  a  este  envoye  devant,  tout  ainsi  que  nous  avons  Paube  du  iour  devant  que  le  soleil  apparoisse.  Ainsi  donc  tout  ce  qui  nous  est  yci  recite,  appliquons-le  a  sa  droite  fin:  c'est  a  scavoir,  que  nous  cognoissions  que  Iean  Baptiste  a  este  ordonne  tesmoin,  pour  nous  certifier  que  Iesus  Christ  estoit  le  Redempteur,  qui  avoit  este  promis  de  tout  temps,  et  qu'il  n'est  pas  venu  comme  un  homme  incognu,  et  qui  n'eust  nul  credit,  ou  ne  le  meritast  point:  mais  qu'il  a  este  annobli  de  Dieu  en  telle  sorte,  qu'on  voit  que  desia  du  ventre  de  la  mere  il  avoit  este  establi  pour  Prophete,  combien  qu'il  n'exercast  point  l'office:  et  que  des  lors  Dieu  avoit  voulu  qu'on  en  fust  certifie,  afin  d'estre  attentifs,  et  de  l'escouter  quand  le  temps  seroit  opportun.  C'est  ce  que  nous  avons  a  retenir,  qu'yci  Iean  Baptiste  a  este  authorize  de  Dieu,  afin  qu'il  rendist  tesmoignage  a  nostre,Seigneur  Iesus  Christ,  qui  fust  hors  de  doute:  et  que  quand  nous  oyons  qu'il  a  declare  que  Iesus  Christ  estoit  l'Agneau  de  Dieu  sans  macule,  que  c'estoit  celuy  qui  oste  et  purge  tous  les  pechez  du  monde  :  que  nous  soyons  asseurez  de  cela,  pource  que  Dieu  a  seelle  sa  doctrine,  voire  devant  qu'il  fust  engendre  ni  conceu,  et  qu'il  y  a  eu  un  miracle  visible,  auquel  Dieu  a  desploye  sa  vertu,  pour  monstrer  qu'il  l'avoit  eleu,  et  choisi  a  une  chose  excellente,  et  qui  n'estoit  point  commune  au  reste  des  hommes.  Or  pource  que  nous  cognoissons  l'intention  de  l'Evangeliste,  ou  plustost  du  S.  Esprit,  qui  a  parle  par  sa  bouche,  apprenons  de  confermer  nostre  foy  des  aides  que  Dieu  nous  donne,  et  que  nous  ne  soyons  point  ingrats,  quand  en  toutes  sortes  il  a  pourveu  que  nous  ayons  une  pleine  certitude,  pour  nous  fier  en  celuy  qui  nous  est  donne  en  salut,  et  pour  nous  appuyer  sur  sa  grace:  autrement  ceci  nous  sera  impute  au  dernier  iour,  et  reproche,  que  Dieu  nous  a  assez  ratifie  la  doctrine  de  l'Evangile  non  seulement  par  la  bouche  de  son  Fils,  et  de  ses  Prophetes:  mais  desia  auparavant  il  a  voulu  que  Iesus  Christ,  devant  qu'il  fust  cognu  au  monde,