45:15  15  HARMONIA  EVANGELICA.  16  munus  suum,  sed  statim  ab  utero  donis  spiritus  excellet,  quae  velut  tesserae  quaedam  qualis  futurus  sit  testentur.  Ab  utero  enim  tantundem  valet  atque  a  prima  infantia.  Fateor  equidem,  spiritus  virtutem  in  Ioanne,  quum  adhuc  inclusus  esset  uteto  matris,  operatain  esse,  sed  hic,  meo  iudicio,  aliud  voluit  angelus,  quod  Ioannes  adhuc  infans  quasi  in  theatrum  proferendus  esset  cum  rara  gratiae  Dei  commendatione.  De  plenitudine  non  est  quod  subtilius  disputemus,  vel  potius  nugemur  cum  sophistis,  quia  scriptura  non  aliud  hoc  nomine  quam  eximiam  et  minime  vulgarem  donorum  spiritus  abundantiam  significat.  Uni  Christo  scimus  datum  faisse  spiritum  absque  mensura,  ut  ex  eius  plenitudine  hauriamus  omnes,  Ioann.  1,  16,  aliis  autem  ad  certum  modum  distribui,  L  Corinth.  12,  ll.  Ephes.  4,  7.  Verum  qui  supra  communem  vulgi  captum  uberiore  gratia  donati  sunt,  dicuntur  spiritu  pleni  fuisse.  Caeterum  ut  vis  spiritus  uberior  extraordinarium  fuit  donum  Dei  in  Ioanne,  ita  notandum  est,  non  omnibus  statim  a  pueritia  conferri  spiritum,  sed  quando  Deo  visum  est.  Ioannes  ab  utero  symbolum  gestavit  futurae  dignitatis:  Saul,  quum  homo  pecuarius  diu  nihil  regium  prae  se  tulisset,  tandem  rex  electus  repente  mutatus  est  in  novum  hominem  (1.  Sam.  10,  6).  Discamus  ergo  ex  hoc  typo,  a  prima  infantia  usque  ad  ultimum  senium  liberam  esse  in  hominibus  spiritus  operationem.  16.  Multosque  filiorum  Israel  convertet.  His  verbis  ostenditur  foeda,  quae  tunc  erat  in  ecclesia,  dissipatio.  Nam  apostatas  fuisse  oportet,  in  quibus  conversio  ad  Deum  locum  haberet.  Et  certe  tanta  erat  corruptio  doctrinae,  tanta  morum  pravitas,  tam  confusum  regimen,  ut  miraculi  loco  habendum  sit,  pauculos  in  pietate  stetisse.  Quodsi  tam  horribilis  fuit  veteris  ecclesiae  dissipatio,  non  est  quod  frivolo  praetextu  suas  superstitiones  defendant  papistae,  quia  impossibile  fuerit  errare  ecclesiam,  si  quidem  non  germanos  et  electos  Dei  filios,  sed  impiorum  turbam  hoc  titulo  intelligunt.  Terum  plus  hic  videtur  Ioanni  tribui  quam  in  hominem  competat.  Nam  quum  homines  in  spiritualem  vitam  renovet  ad  Deum  conversio,  non  modo  proprium  est  Dei  opus,  sed  ipsam  hominum  creationem  superat.  Itaque  hoc  modo  videri  possent  ministri  aequari  Deo,  atque  etiam  praeferri,  quatenus  creator  est:  quando  maius  est  renasci  in  coelestem  vitam,  quam  mortales  in  terra  nasci.  Solutio  facilis  est:  quia  Dominus,  ubi  tantam  laudem  tribuit  externae  doctrinae,  eam  ab  arcana  spiritus  sui  virtute  non  disiungit.  Nam  quia  Deus  homines  sibi  deligit  ministros,  quorum  opera  utatur  in  ecclesiae  suae  aedificationem,  simul  per  ipsos  operatur  arcana  spiritus  sui  virtute,  ut  efficax  sit  ac  fructuosus  eorum  labor.  Quoties  hanc  efficaciam  commendat  scriptura  in  hominum