43:15  15  IN  AMOS  16  misericordias,  quae  debitae  erant  posteris  Iacob  propter  sanguinis  propinquitatem.  Sed  sensus  prophetae  satis  clarus  est,  quod  scilicet  misericordias  suas  violaverint,  hoc  est,  exuerint  omnem  pietatis  sensum  et  primos  naturae  affectus  abiecerint.  Vocat  igitur  misericordias  Edom,  quibus  debuit  affici:  sed  quia  abiecit  omnem  humanitatis  curam,  nulla  fuit  in  eo  misericordia,  quae  esse  debebat.  Addit  postea,  ira  eius  rapuit  perpetuo.  Comparat  hic  feris  bestiis  saevitiam  Idumaeorum,  quod  scilicet  grassati  fuerint,  quemadmodum  ferae  truculentae,  et  non  pepercerint  suo  sanguini.  Rapuerunt  igitur  perpetuo,  hoc  est,  sine  ullo  fine:  et  indignationem  suam  servarunt  perpetuo.  Videtur  propheta  alludere  ad  Edom  vel  Esau,  qui  pater  erat  illius  gentis.  Scimus  enim  illum  diu  fovisse  iracundiam  suam  adversus  fratrem:  quia  non  audebat  patre  vivo  fratrem  interficere.  Dicebat  igitur,  Ego  differam  usque  ad  mortem  patris,  tunc  ego  me  ulciscar.  Quum  ergo  aluerit  illud  crudele  odium  Esau  contra  fratrem  Iacob,  hic  propheta  eiusdem  criminis  posteros  accusat:  ac  si  diceret,  nimium  similes  esse  patri  suo,  vel  nimis  referre  perversum  eius  ingenium,  quod  scilicet  vindictam  suam  foveant  in  cordibus,  et  custodiant  perpetuo:  hoc  est,  sint  prorsus  implacabiles.  Credibile  est  fuisse  alias  odii  causas  inter  Idumaeos  et  posteros  Iacob:  sed  debebant  tamen  si  quid  esset  iracundiae  remittere  fratribus  suis.  Hoc  prodigium  est  non  ferendum  :  ubi  saltem  non  reconciliat  respectus  sanguinis  eos,  qui  sanctis  vinculis  inter  se  coniuncti  sunt.  Videmus  ergo  quorsum  spectet  consilium  prophetae.  Unde  etiam  colligimus,  gravius  multo  damnari  Idumaeos  quam  priores,  quod  scilicet  in  sua  viscera  tam  crudeliter  saevierint.  Tandem  dicit,  Mittam  ignem  in  Theman,  qui  comedet  palatia  Bosrah  Semper  ignis  nomine  significat  quamlibet  speciem  excidii.  Sed  comparat  vindictam  Dei  incendio.  Scimus  ubi  ignis  semel  corripuit  non  modo  unam  domum,  sed  totam  urbem,  non  esse  locum  remedio.  Sic  etiam  nunc  dicit  propheta  fore  horribilem  Dei  vindictam,  quae  absumat  quidquid  fuerit  odii.  Mittam  ergo  ignem  in  Theman,  quae  erat  urbs  primaria  Idumaeae,  quemadmodum  satis  notum  est.  Nunc  pergamus:  13.  Sic  dicit  Iehova  j  Super  tribus  sceleribus  filiorum  Ammon  et  super  quatuor  non  ero  ei  propitius  :  quia  secuerunt  gravidas  (praegnantes)  Gilead,  ut  propagarent  suum  terminum.  14.  Et  accendam  ignem  in  muro  Rabbah,  qui  vorabit  palatia  eius  in  clamore  (vel  iubilo)  in  die  prodii,  in  turbine  die  tempestatis.  15.  Et  transibit  rex  eorum  in  captivi*  talem,  ipse  et  principes  eius  simul,  dicit  Iehova.  Nunc  vaticinatur  contra  Ammonitas,  qui  trahebant  etiam  originem  a  communi  gente.  Erant  enim