42:15  15  SERMON  XXXV.  16  pere  avoit  deboute,  et  desherite  son  fils  aisne  qui  se  nommoit  Ptoiomeus  Ceraunus,  et  celuy-Ja  alla  cercher  son  adventure,  et  tua  Seleucus  qui  estoit  le  premier  roy  de  Babilonne,  et  de  Syrie  qui  fut  le  pere  de  celuy  qui  print  en  mariage  la  fille  du  roy  d'Egypte.  Or  donc  voila  cette  fille  qui  est  baillee  en  mariage  au  roy  de  Syrie,  c'est  a  scavoir,  a  Antiochus  (qui  estoit  surnomme  Dieu)  et  qui  estoit  fils  de  Seleucus,  qui  estoit  frere  de  celuy  qui  fut  tue  par  ce  frere  de  Philadelphe  (qu'on  appele)  le  mariage  se  fait:  or  la  femme  se  nommoit  Berenice.  Le  roy  de  Syrie  avoit  nne  autre  femme  vivante  qu'il  repudia,  et  d'elle  il  avoit  deux  enfans  qui  estoient  desia  en  aage  d'homme,  c'est  a  scavoir,  le  premier  qui  se  nommoit  Callinicus  Camesis,  c'est  a  scavoir  de  belle  victoire,  et  l'autre  Ierax:  or  ces  deux  enfans  estans  marris  que  leur  mere  estoit  reiettee  se  vengerent,  et  la  premiere  femme  Laodice  trouve  moien  d'empoisonner  son  mari,  les  enfans  (a  scavoir  Callinicus  Camesis,  et  Ierax  s'eslevent,  et  viennent  tuer  cette  Berenice,  apres  l'avoir  despouillee  du  tout,  et  son  enfant  qu'elle  avoit  eu,  qui  estoit  leur  frere.  Voila  donc  comme  l'alliance  n'est  point  ferme,  suivant  ce  qui  en  est  ici  declare  par  Daniel,  mais  regardons  le  texte,  et  nous  verrons  comme  de  mot  a  mot  les  choses  sont  dites,  selon  qu'elles  sont  advenues:  il  dit  donc,  qu'ils  feront  alliance  ensemble,  nous  avons  veu  cela,  et  la  fille  du  roy  de  Midi  viendra  au  roy  d'Aquilon,  pour  remettre  les  choses  en  estat:  de  mot  a  mot,  il  ha  pour  faire  droit  avec  paix,  c'est  a  dire,  pour  mettre  les  choses  en  estat,  a  cause  qu'il  y  avoit  des  dissentions  entre  les  deux  royaumes,  a  fin  donc  qu'il  en  soit  traitte  et  accorde,  on  fait  ce  mariage,  mais  il  est  dit,  qu'elle  n'obtiendra  pas  la  force  du  bras,  c'est  a  dire,  qu'elle  ne  sera  point  fortifiee,  et  la  semence  n'en  sera  point  stable,  car  on  pretendoit  de  faire  les  enfans  qui  viendroient  de  ce  mariage  d'Egypte,  c'est  a  scavoir  de  Berenice,  de  les  faire  heritiers  du  royaume,  mais  cette  semence  la  n'aura  point  de  fermete,  car  la  royne  sera  livree,  celuy  qui  l'avoit  engendree,  c'est  a  dire  son  pere,  et  puis  apres  celuy  qui  la  confortoit  en  ces  temps,  c'est  a  dire  son  mari,  qu'elle  print,  que  celuy  sera  dissipe:  or  voila  quant  a  la  premiere  histoire.  Ici  nous  avons  a  considerer  qu'encores  que  les  conseils  des  hommes  ne  semblent  point  estre  du  tout  mauvais,  ni  a  condemner,  que  neantmoins  iamais  n'auront  bonne  issue,  ni  heureuse,  si  Dieu  n'y  met  sa  benediction  pour  les  faire  prosperer.  On  eust  bien  dit  que  l'intention  de  ces  deux  roys  estoit  bonne,  ils  se  voient  estre  prochains  voisins,  et  si  ces  picques  et  dissentions  fussent  demourees,  ce  eust  este  la  ruine  de  tous  deux,  et  de  leurs  suiets,  ils  veulent  pourvoir  a  cela,  et  y  donner  ordre:  on  dira  bien  donc  que  leur  propos  est  bon,  mais  quoy?  On  voit  ici