41:15  15  PRAELECTIONES  16  studuerint  exacerbare  regis  animum  hac  circumstantia,  quum  dicunt  esse  unum  ex  captivis��  Iam  oratio  eorum  minime  simplex  est,  sed  conantur  modis  omnibus  pungere  regem,  et  accendere  eius  iracundiam  contra  Danielem.  Non  adiecit  mentem  ad  te  rex,  hoc  est,  non  reputavit  quisnam  tu  esses:  ita  ab  ipso  spreta  fuit  tua  maiestas:  deinde,  ad  edictum  quod  tu  obsignasti.  Haec  est  alia  amplificatio.  Non  apposuit  igitur  Daniel  mentem  neque  ad  te,  neque  ad  edictum:  et  tu  hoc  feres?  Tandem  factum  ipsum  recitant,  nempe  quod  tribus  vicibus  quotidie  precetur.  Fuisset  illa  simplex  narratio:  Daniel  non  obedivit  mandato  tuo,  quia  precatur  Deum  suum.  Sed,  ut  iam  dixi,  crimen  exaggerant,  quum  accusant  Danielem  superbiae,  et  contemptus,  et  contumaciae.  Videmus  ergo  quibus  artificiis  oppressus  fuerit  Daniel  a  suis  malevolis.  Nunc  sequitur,  14.  Tunc  rex,  postquam  sermonem  audivit,  valde  tristatus  est  (alii  vertunt  turbatus:  alii,  pessime  ipsum  habuit,  maxime  doluit:  nam  tPiO  significat  dolere)  in  se:  et  ad  Danielem  apposuit  cor  (hic  est  metathesis  in  literis:  nam  bi  positum  est  pro  2b:  apposuit  igitur  cor)  ad  ipsum  servandum:  et  usque  ad  occasum  solis  fuit  sollicitus  ad  ipsum  emendum  (vel,  liberandum,  hoc  est,  satagebat  ipsum  eripere).  15.  Tunc  conglobati  sunt  viri  illi  (vel,  sese  coadunarunt,  quasi  globo  facto  aggressi  sunt  regem,  et  in  turma,  quo  plus  terroris  iniicerent:  congregaverunt  ergo  se)  ad  regem,  et  dixerunt,  Scias,  rex,  quod  lex  Medis  et  Persis  (est)  ut  omne  edictum  et  statutum  quod  rex  statuerit,  non  mutetur.  Primo  loco  recitat  Daniel,  regem  fuisse  turbatum,  quum  agnosceret  malitiam  procerum  suorum,  quae  prius  eum  fugerat.  Neque  enim  venerat  ei  in  mentem,  quorsum  tenderent  vel  quid  captarent:  nunc  videt  se  deceptum  et  illaqueatum  :  ergo  turbatur.  Hinc  iterum  docemur  quantopere  sibi  cavere  debeant  reges  a  pravis  consiliis:  quia  undique  obsidentur  ab  hominibus  perfidis,  et  quibus  nihil  aliud  propositum  est,  quam  vel  facere  quaestum  ex  falsis  delationibus,  vel  opprimere  nunc  suos  inimicos,  nunc  eos  ex  quibus  praedam  aliquam  sperant:  nunc  autem  favere  malis  causis.  Quum  ergo  reges  circumdent  tot  insidiae,  eo  magis  intentos  esse  oportet  ad  cavendas  astutias.  Sero  enim  agnoscunt  se  fuisse  circumventos,  ubi  iam  non  est  remedio  locus:  partim  quod  sibi  metuunt:  partim  vero  quod  volunt  consulere  suae  existimationi  :  et  satius  est  illis  Deum  offendere,  quam  incurrere  apud  homines  aliquam  levitatis  notam.  Quoniam  igitur  tam  sacra  est  regibus  sua  existimatio,  hinc  fit  ut  pergant  in  male  coeptis,  etiam  si  ipsos  conscientia  arguat:  et  si  aequitas  ipsa  eorum  oculis  obiecta  fuerit,  tamen  hoc