39:15  15  PRAELECTIONES  16  sic  fateamur  Deum  esse  iustum  iudicem,  ut  sciamus  non  posse  mentes  nostras  penetrare  usque  ad  profundam  illam  abyssum.  Sed  tamen  solutio  quam  adduxi  satis  facilis  est,  quod  scilicet  Deus  nunquam  punit  innoxios.  Quia  si  persequitur  patrum  scelera  in  filiis,  pars  poenae  est,  quemadmodum  iam  dixi,  quod  filios  privat  spiritus  sui  luce:  postquam  ipsi  excaecati  sunt,  ruunt  semper  in  suum  exitium��,  et  ita  novis  subinde  peccatis  provocant  Dei  vindictam  in  sua  capita.  Quum  ergo  Deus  rependit  illis  mercedem  patribus  debitam,  simul  poenam  exigit  de  ipsis  qua  digni  sunt:  nec  est  quod  obmurmurent,  quia  communis  est  eorum  culpa  cum  patribus.  Non  mirum  igitur,  si  trahantur  in  societatem  poenae:  sed  hoc  tamen  pendet  ex  arcana  Dei  clementia  quod  alios  venia  dignatur,  et  ita  eripit  ab  interitu  :  alios  autem  deserit,  et  quia  reprobi  sunt,  ideo  merentur  quidquid  illis  infligit  poenarum.  Tu  regendis  igitur  in  sinum  filiorum  post  ipsos,  hoc  est,  post  ipsorum  mortem.  Postea  exclamat,  Deus  fortis,  et  potens,  Iehovah  exercituum  nomen  eius.  Praedicat  rursus  magnitudinem  potentiae  Dei,  ut  sibi  temperet,  neque  temere  prorumpat  ad  novam  disquisitionem,  quemadmodum  curiosi  homines  sibi  indulgent  in  suis  speculationibus,  et  ita  quasi  Deum  citant  ad  causam  reddendam,  quasi  posset  statui  aliquod  tribunal  coram  quo  reus  fieret.  Quoniam  igitur  tanta  est  petulantia  humani  ingenii,  propheta  hic  circumduxit  sibi  cancellos,  ut  se  contineat  in  humilitate  et  sobrietate.  Postea  mutat  personas,  quod  signum  est  vehementiae  et  ardoris:  nam  precatio  est,  ut  vidimus.  Atqui  nunc  Deum  recta  non  compellat:  sed  dicit,  Iehovah  exercituum  nomen  eius.  Loquitur  in  tertia  persona.  Continuo  tenore  dicendum  erat,  Tu  es  fortis  et  potens  :  sed  dicit,  Iehovah  exercituum  nomen  eius.  Videmus  ergo  ut  propheta  quasi  alio  se  vertat:  sed  haec  mutatio  personae  ex  vehementia  et  ardore  manat,  quemadmodum  dixi.  Et  hoc  saepe  contingit  fidelibus,  ut  abrumpant  cursum  vocationis,  dum  secum  expendunt  Dei  opera,  nunc  potentiam,  nunc  bonitatem,  nunc  sapientiam.  Non  ergo  semper  precantur  continuo  tenore  fideles,  sed  ut  affectus  illos  impellit,  ita  nunc  dirigunt  sermonem  ad  Deum,  nunc  autem  miscent  apostrophes,  et  sese  alio  convertunt.  Sequitur,  19.  Magnus  consilio,  excellens  opere,  cuius  oculi  (quandoquidem  oculi)  tui  aperti  sunt  super  vias  filiorum  hominum  ad  reddendum  cuique  secundum  vias  eius,  et  secundum  fructum  operum  eius.  Prosequitur  eandem  sententiam.  Miratur  enim  secum  Dei  iudicia.  Primo  pronuntiat  Deum  magnum  esse  consilio,  et  magnum  opere.  Per  consilium  intelligit  Dei  sapientiam,  quae  sensus  omnes  nostros