38:15  15  PRAELECTIONES  16  diximus,  et  saepius  dicendum  erit,  prophetas,  dum  respiciunt  populum  ipsum,  sine  exceptione  minari  omnibus  interitum:  ubi  autem  convertunt  sermonem  ad  electos  et  fideles,  addere  correctionem.  Perdendo  igitur  perdam  ipsos.  Postea  modum  explicat,  quod  nullae  erunt  uvae  in  vitibus,  quod  nullae  erunt  ficus  in  arboribus  ipsis.  Nam  ficus  tam  pro  fructu  quam  pro  arbore  ipsa  capitur,  ut  satis  notum  est.  Et  quo  magis  amplificet  vindictam  Dei,  dicit  marcida  etiam  fore  ipsa  folia.  Summa  est,  non  procul  abesse  Deum  vindicem,  quamvis  securi  desideant  Iudaei  in  suis  sceleribus:  et  ostendit  speciem  vindictae,  quae  ipsos  manet,  nempe  quod  Deus  privabit  eos  omnibus  alimentis.  Nam  per  synecdochen  designat  hic  quidquid  ad  victum  pertinet.  Non  loquitur  de  vino,  et  frumento,  et  oleo:  sed  per  ficus  et  uvas,  quemadmodum  dixi,  designat  quodvis  alimenti  genus,  ita  ut  folia  etiam  marcescant  ac  decidant.  Secundo  loco  addit,  Etiam  quae  dedero  illis  transibunt  Quidam  hoc  restringunt  ad  fructus  in  horreis  et  cellis  repositos,  quasi  diceret,  Etiam  si  annonam  habeant  reconditam  in  suis  horreis  et  cellis,  ita  ut  referti  sint  omni  opulentia,  tamen  hoc  totum  nihil  illis  prodesse,  quia  ipsis  auferetur.  Nam  transire  saepe  ita  capitur:  et  Q  finale  tantundem  valet  ac  si  esset  separatum  ono,  ab  ipsis.  Quod  quidam  resolvunt  ipsos  praeteribunt,  urbyb  nimis  est  coactum:  dicunt  praecepta  fuisse  data  Iudaeis,  quae  evanuerint,  vel  praeterfluxerint.  Sed  hoc  non  potest  quadrare.  Et  quantum  ad  primam  expositionem  pertinet,  videtur  mihi  nimis  restricta.  Ego  igitur  sic  accipio:  Etiam  si  uvae  et  ficus  ad  maturitatem  perveniant,  tamen  ablatum  iri  quod  putabant  iam  paratum  esse.  Ergo  intelligit  propheta  varios  esse  modos  quibus  ad  esuriem  et  inopiam  redigat  Iudaeos,  quia  vel  hostes  spoliabunt  eorum  uvas  et  ficus,  vel  ipse  sterilitatem  immittet:  vel  etiam  si  existiment  sibi  victum  esse  in  promptu,  non  tamen  dabitur  frui.  Haec  summa  est.  Sequitur,  14.  Ut  quid  nos  sedemus?  Congregate  vos,  et  ingrediamur  urbes  munitas  (urbes  munitionis,  ad  verbum)  et  quiescamus  illic.  Certe  Iehovah  Deus  noster  silere  nos  (vel  quiescere  nos)  fecit,  et  potavit  nos  aquis  venenatis  (vel  aquis  sellis:  nam  tiW"i  significat  fel  et  venenum),  quia  impie  egimus  contra  Iehovam.  Varie  hunc  versum  et  sequentes  exponunt:  sed  breviter  ostendam  prophetae  consilium.  Mihi  non  dubium  est  quin  hic  suscipiat  in  se  personam  totius  populi.  Repraesentat  igitur  his  verbis  propheta  quid  volverent  in  suis  mentibus,  et  quaenam  consilia  caperent  Iudaei:  deinde  non  dubium  etiam  est,  quin  his  verbis  ostendat  ipsos,  ut  solent  hypocritae,  captare  effugia,  quasi  possent  sese  protegere  ab  ira  Dei.  Nam  qui  existimant  prophetam  ex  proprio  sensu  loqui,  longe  falluntur.  Quin  potius  hic  refert