35:15  15  SERMON  CXX  16  LE  CENT  ET  VINGTIEME  SERMON,  QUI  EST  LE  II.  SUR  LE  XXXII.  CHAPITRE.  4  Eliu  attendit  que  Iob  eust  mis  fin  a  ses  propos,  d'autant  que  tous  estoyent  plus  anciens  que  luy  5.  Et  Eliu  voyant  ces  trois  hommes  n'avoir  nulle  raison,  fui  esmeu  de  courroux.  6.  Eliu  donc  fils  de  Barachel  Buzite  respondant  dit,  Ie  suis  moindre  que  vous  en  aage,  vous  estes  anciens:  pourtant  i'ay  craint  et  redoute  de  mettre  en  avant  mon  advis.  7.  Car  i'ay  pense,  Les  ans  parleront,  et  la  longueur  du  temps  produira  sagesse:  8.  Mais  c'est  l'Esprit  de  Dieu  qui  est  aux  hommes,  et  l'inspiration  du  Toutpuissant  donne  intelligence.  9.  Les  grans  ne  seront  point  sages  pourtant,  et  les  anciens  n'auront  point  iugement.  10.  Et  pourtant  ie  di,  Escoute  moy,  et  ie  monstreray  aussi  ma  doctrine.  Nous  traitasmes  hier  du  zele  d'Eliu,  lequel  nous  est  ici  loue  par  le  sainct  Esprit,  et  monstrasmes  a  quoy  cest  exemple  nous  doit  servir:  c'est  a  savoir,  que  quand  nous  voyons  la  verite  de  Dieu  estre  obscurcie  et  son  nom  blaspheme,  cela  nous  doit  navrer  le  coeur.  Aussi  nous  monstrasmes,  que  si  nous  avons  quelque  affection  a  Dieu  et  a  son  honneur,  alors  entant  qu'en  nous  est,  nous  devons  maintenir  sa  verite.  Il  est  vray  qu'un  chacun  n'aura  point  doctrine  pour  ce  faire:  mais  tant  y  a  que  selon  nostre  portee  et  mesure  il  nous  faut  monstrer  que  nostre  intention  est  de  resister  au  mal,  et  n'y  point  consentir.  Or  cependant  il  fut  touche  que  ce  zele  doit  estre  modere  avec  raison:  qu'il  ne  faut  pas  que  nous  soyons  esmeus  d'impetuosite  trop  grande,  mais  qu'il  y  ait  quelque  bon  regard  mesle  parmi.  Et  c'est  ce  que  maintenant  nous  avons  leu,  Qu'Eliu  ne  s'est  point  haste  par  trop,  mais  a  preste  l'aureille  a  tous  les  propos  qui  estoyent  mis  en  avant:  et  en  cela  il  a  monstre  sa  modestie.  Notons  bien  donc  que  si  un  homme  s'avance  a  la  volee,  ne  sachant  s'il  est  besoin  qu'il  parle  ou  non,  cela  ne  luy  sera  point  repute  a  zele.  Pour  exemple,  nous  en  verrons  beaucoup  qui  ne  demandent  que  d'avoir  lieu  pour  parler:  toutes  fois  possible  qu'il  y  en  a  qui  pourroyent  deduire  beaucoup  mieux  les  propos  qu'eux:  mais  il  leur  semble  que  iamais  ils  n'y  viendront  a  temps.  Ceste  hastivete-la  ne  peut  estre  iamais  approuvee.  Et  qu'ainsi  soit,  celuy  qui  parle  pour  instruire  les  autres,  que  fait-il  s'il  y  en  a  qui  le  puissent  faire  beaucoup  mieux?  Il  auroit  besoin  d'estre  enseigne,  et  il  s'ingere  d'estre  maistre.  Or  ii  y  a  encores  une  faute  seconde:  car  si  un  homme  ignorant,  ou